Psalmyn 76:8 - Yn Vible Casherick 1775 1819

⁸ Hug oo er dty vriwnys dy ve er ny chlashtyn veih niau: va’n ooir er-creau, as ve ny host,

Lioar ny Psalmyn 1765 (Pointed)

⁸ Hug oo er dty vriwnys dy ve er ny chlashtyn veih niau: va’n ooir er-creau, as ve ny-host,

Psalmyn 76:8 ပူးပေါင်းရင်းမြစ်များ

2 Reeaghyn 22:13

Immee-jee, as brie-jee jeh’n Chiarn er my hon’s, as son y pobble, as son ooilley Judah, mychione y lioar shoh t’er ny gheddyn: son s’mooar ta jymmoose y Chiarn t’er vrishey magh nyn ’oï, er-yn-oyr nagh vel ny ayraghyn ain er n’eaishtagh rish goan y lioar shoh, dy yannoo cordail rish ooilley ny ta scruit mychione ain.

1 Recortyssyn 16:25

Son s’mooar ta’n Chiarn, as dy mooar dy ve er ny voylley: ta aggle dy ve goit roish erskyn dy chooilley Yee.

1 Recortyssyn 16:30

Gow-jee aggle kiongoyrt rish, ooilley’n seihll: bee’n seihll myrgeddin cha shickyr, nagh bee eh er ny scughey.

Nehemiah 1:5

As dooyrt mee, Ta mee guee ort, O Hiarn Yee t’ayns niau, yn Jee mooar as atchimagh, ta cooilleeney conaant as myghin ny chour ocsyn ta graihagh er, as freayll e annaghyn.

Lioar Yob 25:2

Ta reill as aggle mârishyn; t’eh jannoo shee ayns e ynnydyn ard.

Psalmyn 46:10

Bee-jee feagh eisht, as toig-jee dy vel mish Jee: beem’s er my hoiaghey seose mastey ny ashoonyn, as bee’m er my hoiaghey seose er y thalloo.

Exodus 19:10

As dooyrt y Chiarn rish Moses, Immee gys y pobble, as jean ad y chasherickey jiu as mairagh, as lhig daue niee nyn eaddagh:

Jeremiah 10:10

Agh ta’n Chiarn yn Jee firrinagh, eshyn y Jee bio, as y Ree dy bragh farraghtyn: ec y chorree echeysyn bee’n seihll er-creau, as cha vod ny ashoonyn e yymmoose y ymmyrkey.

Jeremiah 49:19

Cur-my-ner, hig eh seose myr lion veih brooinyn Yordan noi ynnyd-vaghee yn treanagh: agh ver-yms er dy leah cur cooyl r’ee; as quoi ta’n reih dooinney dunnal dooys dy endeil ee? son quoi ta casley rhym’s? as quoi nee pointeil traa dou? as quoi yn bochilley shen nee shassoo roym?

Nahum 1:6

Quoi oddys shassoo roish e eulys? as quoi oddys gymmyrkey fo elgys e yymmoose? ta e chorree deayrtit magh myr aile, as ta ny creggyn tilgit bun-ry-skyn liorishyn.

Habakkuk 2:20

Agh ta’n Chiarn ayns e hiamble casherick: lhig da ooilley yn seihll ve ny host kiongoyrt rish.

Zechariah 2:13

Lhig da ooilley sheelnaue ve nyn dhost kiongoyrt rish y Chiarn: son t’eh er hroggal seose eh-hene ayns e ynnyd casherick.

Briwnyn 5:20

Ren ny niaughyn caggey; ren ny rollageyn ayns nyn goorse caggey noi Sisera.