Psalmyn 76:6 - Yn Vible Casherick 1775 1819

⁶ Ec yn oghsan ayd’s, O Yee Yacob: ta chammah yn ainagh as y cabbyl er duittym.

Lioar ny Psalmyn 1765 (Pointed)

⁶ Ec yn oghsan ayds, O Yee Yacob: ta chammah yn ainagh as y cabbyl er duittym.

Psalmyn 76:6 ပူးပေါင်းရင်းမြစ်များ

2 Samuel 10:18

As roie ny Syrianee er-chea roish Israel; as ren David stroie shiaght cheead fainagh jeh ny Syrianee, as da-eed thousane dy varkee; as woaill eh Shobach captan y cheshaght-chaggee oc, hooar e vaase ayns shen.

2 Reeaghyn 19:35

As haink eh gy-kione ayns yn oie cheddin, dy jagh ainle y Chiarn magh, as woaill eh ayns camp ny Assyrianee nuy-feed as queig thousaneyn: as tra dirree ad ’sy voghrey, cur-my-ner, v’ad shoh ooilley nyn girp marroo.

2 Recortyssyn 32:21

As hug y Chiarn magh ainle ren stroie ooilley ny deiney niartal caggee, as ny leeideilee as ny captanyn, ayns camp ree Assyria: myr shen hyndaa eh reesht lesh nearey eddin gys e heer hene. As tra v’eh er jeet stiagh ayns thie e Yee, ren adsyn haink magh ass e veeghyn, y varroo eh ayns shen lesh y chliwe.

Psalmyn 104:7

Ec yn oghsan ayd’s t’ad chea ersooyl: ec coraa dty haarnagh ta aggle orroo.

Psalmyn 18:15

Va ny farraneyn ushtey er nyn vakin, as haink undinyn y theihll rish, lesh dty oghsan, O Hiarn: ec blest ennal dty yymmoose.

Psalmyn 80:16

Te er ny lostey lesh aile, as giarit sheese: as nee ad cherraghtyn ec oghsan dt’eddin.

Exodus 15:1

Eisht hrog Moses as cloan Israel yn arrane-moyllee shoh gys y Chiarn, gra, Neem’s kiaulleeaght gys y Chiarn: son t’eh dy gloyroil er gheddyn barriaght; yn cabbyl as e varkiagh t’eh er cheau ’syn aarkey.

Exodus 15:10

Lesh dty gheay ren oo sheidey; ren y faarkey nyn goodaghey: ren ad sinkeil myr leoaie ayns ny ushtaghyn stermagh.

Exodus 15:21

As hie Miriam lhieu, Jean-jee kiaulleeaght gys y Chiarn; son t’eh dy gloyroil er gheddyn barriaght; yn cabbyl as e varkiagh t’eh er vaih ’syn aarkey.

Isaiah 37:36

Eisht hie ainle y Chiarn magh, as woaill eh ayns camp ny Assyrianee nuy-feed as queig thousaneyn: as tra dirree ad ’sy voghrey, cur-my-ner, v’ad ooilley nyn girp marroo.

Jeremiah 51:39

Ayns chiass nyn rouanys aarlee-yms gien elley daue, as nee’m ad er-meshtey dy yannoo ching jeu, as dy hilgey ad ayns cadley trome kinjagh, nagh bee ad dy bragh er nyn ghoostey, ta’n Chiarn dy ghra.

Jeremiah 51:57

As nee’m ny princeyn eck er-meshtey, ny deiney creeney, ny captanyn, ny fir-reill, as ny treanee caggee: as hig cadley trome orroo, as gyn doostey, ta’n Ree dy ghra, ta e ennym Yn Chiarn ny flaunyssee.

Ezekiel 39:20

Myr shoh vees shiu jeant magh ec my voayrd, lesh cabbil as fainee, lesh deiney niartal, as lesh ooilley ny treanee caggee, ta’n Chiarn Jee dy ghra.

Nahum 1:6

Quoi oddys shassoo roish e eulys? as quoi oddys gymmyrkey fo elgys e yymmoose? ta e chorree deayrtit magh myr aile, as ta ny creggyn tilgit bun-ry-skyn liorishyn.

Nahum 2:13

Cur-my-ner, ta mish dt’oï, ta Chiarn ny flaunyssee dy ghra, nee’m lostey ny fainee eck ’syn aile, as nee yn cliwe stroie dty lionyn aegey, as nee’m giarey jeh dty spooilley jeh’n thalloo, as cha bee coraa dty haghteryn arragh er ny chlashtyn.

Nahum 3:18

Ta dty vochillyn saveenagh, O ree Assyria: nee dty gheiney ooasle cadley ayns y joan: ta dty phobble skeaylt er ny sleityn, as cha vel dooinney erbee dy haglym ad.

Zechariah 12:4

Ayns y laa shen, ta’n Chiarn dy ghra, bwoaill-ym dy chooilley chabbyl lesh atchim, as yn markiaght lesh keoïd, as foshil-ym my hooillyn er thie Yudah, as bwoaill-ym ooilley cabbil ny ashoonee lesh dellid.

1 Samuel 26:12

Myr shoh ghow David y shleiy as y saagh ushtey veih kione Saul; as chossyn ad roue gyn-yss, as cha vaik dooinney erbee ad, chamoo ren ad doostey: son v’ad ooilley nyn gadley, er-yn-oyr dy row cadley trome veih’n Chiarn er duittym orroo.