Psalmyn 76:12 - Yn Vible Casherick 1775 1819

¹² Nee eshyn ginjillaghey spyrryd princeyn: as t’eh yindyssagh mastey reeaghyn y thallooin.

Lioar ny Psalmyn 1765 (Pointed)

¹² Nee eshyn ginjillaghey spyrryd prinsyn: as t’eh yindyssagh mastey reeaghyn y thallooin.

Psalmyn 76:12 ပူးပေါင်းရင်းမြစ်များ

2 Recortyssyn 32:21

As hug y Chiarn magh ainle ren stroie ooilley ny deiney niartal caggee, as ny leeideilee as ny captanyn, ayns camp ree Assyria: myr shen hyndaa eh reesht lesh nearey eddin gys e heer hene. As tra v’eh er jeet stiagh ayns thie e Yee, ren adsyn haink magh ass e veeghyn, y varroo eh ayns shen lesh y chliwe.

Psalmyn 2:10

Gow-jee keeayl nish er-y-fa shen, O shiuish reeaghyn: gow-jee raaue shiuish ta briwnyn y thallooin.

Psalmyn 2:5

Eisht nee eh loayrt roo ayns e chorree: as ver eh sneih orroo ayns trimmid e yymmoose.

Psalmyn 47:2

Son ta’n Chiarn ard, as aggle dy v’er ny ghoaill roish: she eshyn y ree mooar er feaï-ny-cruinney.

Psalmyn 50:14

Cheb yn oural dy hoyrt-booise gys Jee: as eeck dty vreearraghyn dasyn smoo Ard;

Psalmyn 68:12

Ren reeaghyn lesh nyn sheshaghtyn-caggee roie er-chea, as v’ad er nyn goyrt fo-chosh: as adsyn jeh’n lught-thie rheynn ad y spooilley.

Psalmyn 68:35

O Yee, yindyssagh t’ou uss ayns dt’ynnydyn casherick: dy jarroo yn Jee dy Israel; ver eshyn niart as pooar da e phobble; bannit dy row Jee.

Isaiah 24:21

As hig eh gy-kione er y laa shen, dy jean y Chiarn kerraghey sheshaght ny ard-vooaralee ’syn yrjey, as reeaghyn ny hooirey er yn ooir.

Leviticus 23:38

Harrish as erskyn dooneeyn y Chiarn, as ny giootyn, as ooilley ny breearraghyn eu, as ooilley nyn ourallyn-arryltagh, ta shiu dy hebbal gys y Chiarn.

Zephaniah 3:6

Ta mee er yiarey jeh ny ashoonyn, ta ny tooryn oc treigit, ta mee er vrishey seose ny straidyn oc, nagh vel unnane dy haaghey ad: ta ny ard-valjyn oc er n’gholl naardey, myr shen nagh vel dooinney faagit ayndoo, ny cummaltagh er-mayrn.

Joshua 5:1

As haink eh gy-kione, tra va ooilley reeaghyn ny Amoriteyn, v’ayns naboonys Yordan er cheu-heear, as ooilley reeaghyn ny Canaaniteyn, v’er slyst ny marrey, er chlashtyn dy row yn Chiarn er hyrmaghey seose ushtaghyn Yordan roish cloan Israel, derrey v’ad er n’gholl harrish, dy ren ny creeaghyn oc gannooinaghey, chamoo va bree ayndoo veg sodjey, kyndagh rish cloan Israel.

Ashlish 6:15

As ren reeaghyn y thallooin, as ny ard-gheiney, as ny berchee, as ny ard-chaptanyn, as ny deiney pooaral, as dy chooilley ghooinney ayns bondiaght, as ooilley ayns seyrsnys, ad-hene y ollaghey ayns ooigyn, as fo creggyn ny sleityn.