Psalmyn 74:9 - Yn Vible Casherick 1775 1819

⁹ Dy jarroo, dooyrt ad ayns nyn greeaghyn, Lhig dooin ad y stroie dy bollagh ooilley-cooidjagh: myr shoh t’ad er lostey seose ooilley thieyn Yee ’sy cheer.

Lioar ny Psalmyn 1765 (Pointed)

⁹ Dy-jarroo, dooyrt ad ayns nyn greeaghyn, Lhig dooin ad y stroie dy-bollagh ooilley-cooidjagh: myr shoh t’ad er lostey seose ooilley thieyn Yee ’sy cheer.

Psalmyn 74:9 ပူးပေါင်းရင်းမြစ်များ

Exodus 12:13

As bee’n uill diuish son cowrey er ny thieyn raad ta shiu: as tra hee-yms yn uill, hem shaghey, as cha bee’n chramp erriuish dy stroie shiu, tra nee’m bwoalley cheer Egypt.

Dobberan 2:9

Ta ny giattyn eck lhiggit sheese fo halloo; t’eh er stroie as er vrishey ny boltyn eck, ta’n ree as ny princeyn eck mastey ny ashoonee; ta’n leigh er n’gholl naardey, as cha vel ashlish sodjey ec ny phadeyryn veih’n Chiarn.

Ezekiel 20:12

Ny sodjey na shoh, hug mee daue my ghooneeyn, dy ve son cowrey eddyr mish as adsyn, dy voddagh fys y ve oc, dy nee mish y Chiarn, ta dy chasherickey ad.

Ezekiel 7:26

Hig lhag-haghyrt er lhag-haghyrt, as naightyn trome er naightyn trome; eisht nee ad shirrey son ashlish yn adeyr: agh nee yn leigh cherraghtyn veih yn saggyrt, as coyrle veih yn chanstyr.

Amos 8:11

Cur-my-ner, ta ny laghyn cheet, ta’n Chiarn Jee dy ghra, dy der-ym genney ’sy cheer, cha nee genney arran ny laccal ushtey, agh genney clashtyn goan y Chiarn.

Micah 3:6

Shen-y-fa bee shiu ayns dorraghys, nagh bee ashlish eu, as bee shiu ayns dooid, nagh vod shiu phadeyrys, as hed y ghrian sheese er ny phadeyryn, as bee yn laa dorraghey er-nyn-skyn.

Micah 3:7

Eisht, bee ny fakyderyn, naareydagh, as ny phadeyryn ec kione nyn geiley: dy jarroo, nee ad ooilley coodaghey nyn meillyn, son nagh vel ansoor oc veih Jee.

Hebrewnee 2:4

Jee myrgeddin gymmyrkey feanish lhieu, chammah liorish cowraghyn as yindyssyn, as lesh ymmodee mirrilyn, as giootyn y Spyrryd Noo, cordail rish e aigney hene?

Briwnyn 6:17

As dooyrt eh rish, My ta mee nish er gheddyn foayr ayns dty hilley, eisht cur dou cowrey dy nee uss [my Hiarn] ta taggloo rhym.

1 Samuel 3:1

As ren y lhiannoo Samuel shirveish gys y Chiarn fo Eli. As va goo’n Chiarn goaun ayns ny laghyn shen; cha row ashlish foshlit erbee.