Psalmyn 74:3 - Yn Vible Casherick 1775 1819

³ Smooinee er sheeloghe dty eiraght: as er cronk Sion, ayn t’ou er chummal.

Lioar ny Psalmyn 1765 (Pointed)

³ Smooinee er sheeloghe dt’eiraght: as er cronk Sion, ayn t’ow er chummal.

Psalmyn 74:3 ပူးပေါင်းရင်းမြစ်များ

2 Reeaghyn 25:9

As losht eh thie yn Chiarn, as thie yn ree, as ooilley thieyn Yerusalem, as losht eh thieyn ny ard-gheiney lesh aile.

Nehemiah 1:3

As dooyrt ad rhym, Ta’n sluight t’er-mayrn jeh’n chappeeys ’sy rheam ayns seaghyn trome, as ayns faghid: ta voalley Yerusalem myrgeddin brisht sheese, as ny giattyn eck losht lesh aile.

Nehemiah 2:13

As hie mee magh ’syn oie, liorish giat ny glionney, eer roish chibbyr y dragon, as gys giat yn eoylley: as ghow mee baght jeh voallaghyn Yerusalem va brisht sheese, as ny giattyn eck va losht lesh aile.

Nehemiah 2:3

As dooyrt mee rish y ree, Dy row yn ree foddey beayn; kys oddym agh ve trimshagh, choud as ta’n ard-valley, ynnyd oanluckee my ayraghyn, ny lhie follym-faase, as ny giattyn eck stroit lesh aile?

Psalmyn 44:23

Seose, Hiarn, cre’n-fa t’ou cadley: dooisht, as ny fuirree voïn er son dy bragh.

Psalmyn 44:26

Irree as cooin lhien: as livrey shin er graih dty vyghinyn.

Psalmyn 79:1

O Yee, ta ny ashoonyn-quaagh er jeet stiagh ayns dt’eiraght: dty hiamble casherick t’ad er yannoo neu-ghlen, as er yannoo Jerusalem carnane dy chlaghyn.

Isaiah 10:6

Neem’s eh y choyrt noi ashoon kialgeyragh, as noi pobble my yymmoose ver-ym sarey da dy ghoaill yn spooilley, as dy ghoaill y chragh, as dy stampey ad sheese goll-rish laagh ny straïdyn.

Isaiah 25:10

Son ayns y clieau shoh nee laue yn Chiarn tannaghtyn, as bee Moab stampit sheese fo, dy jarroo myr ta coonlagh stampit sheese son y torran.

Isaiah 61:4

As troggee ad ny shenn tholtanyn, kerree ad traartys ny shenn earishyn, as coamree ad reesht ny ard-valjyn treigit, traartys ymmodee sheelogheyn.

Jeremiah 52:13

As losht eh thie yn Chiarn, as thie yn ree; as ooilley thieyn Yerusalem, as ooilley thieyn ny ard-gheiney, losht eh lesh aile.

Dobberan 1:10

Ta’n noid er skeayley magh e laue er ooilley’n chooid aalin eck: son t’ee er vakin dy vel ny ashoonee er n’gholl stiagh er yn ynnyd casherick eck, adsyn t’ou er churmal nagh darragh ad stiagh ayns dty agglish.

Daniel 11:31

As nee niart caggee shassoo ass e lieh, as nee ad jeeill er y chasherickys dy niart, as gowee ad ersooyl yn oural-laaoil, as nee ad eajeeys y traartys y hoiaghey seose.

Daniel 9:17

Nish er-y-fa shen, O uss yn Jee ain, eaisht rish padjer dty harvaant, as e aghinyn, as er dty ghraih’s, O Hiarn, lhig da dty eddin soilshean er dty hiamble casherick, ta lhie ny hraartys.

Daniel 9:27

As nee eh conaant y hickyraghey rish ymmodee son un shiaghtin: as ayns mean y chiaghtin ver eh er yn oural-casherick as y chebbal dy scuirr, as son reamys yn eajeeys nee eh ny hraartys jeh, derrey vees slane jerrey orroo; as bee shen ny ta kiarit er ny gheayrtey magh er y traartys.

Micah 1:3

Son cur-my-ner, ta’n Chiarn cheet ass e ynnyd, as hig eh sheese, as shooylee eh er ynnydyn ard y thallooin.

Micah 3:12

Shen-y-fa kyndagh riuish bee Zion er ny hraaue myr magher, as hig Jerusalem dy ve carnaneyn, as bee slieau yn chiamble myr ard-aasaghyn ny keylley.

Noo Mark 11:17

As dynsee eh ad, gra, Nagh vel eh scruit, Bee my hie’s enmyssit liorish dy chooilley ashoon, thie yn phadjer? agh ta shiuish er n’yannoo eh ny ooig dy vaarlee.

Noo Luke 21:24

As tuittee ad er foyr y chliwe, as bee ad er nyn ghoaill ersooyl nyn gappeeyn gys dy chooilley ashoon: as bee Jerusalem er ny stampey sheese liorish ny Ashoonee, derrey vees traa ny Ashoonee er ny chooilleeney.

Joshua 10:24

As haink eh gy-kione, tra hug ad lhieu magh ny queig reeaghyn shoh gys Joshua, dy deïe Joshua er ooilley deiney Israel, as dooyrt eh rish captanyn ny deiney caggee hie mârish; Tar-jee er-gerrey, as cur-jee nyn gassyn er mwannallyn ny reeaghyn shoh. As haink ad er-gerrey, as hug ad nyn gassyn er ny mwannallyn oc.

Ashlish 11:2

Agh y chooyrt ta cheu-mooie jeh’n chiamble, faag voïd eh, as ny towse eh; son te er ny choyrt da ny Ashoonee: as yn ard-valley casherick stampee ad fo-chosh daa vee as da-eed.