Psalmyn 74:2 - Yn Vible Casherick 1775 1819

² O smooinee er dty phobble t’ou er chionnaghey, as er veaysley er-dyn chenn earish.

Lioar ny Psalmyn 1765 (Pointed)

² O smooinee er dty phobble t’ow er chionnaghey, as er veaysley er dyn chenn earish.

Psalmyn 74:2 ပူးပေါင်းရင်းမြစ်များ

Psalmyn 106:40

As livrey eh ad harrish gys laue ny ashoonyn: as v’adsyn va dwoaie oc orroo ny hiarnyn harrystoo.

Psalmyn 135:4

As cre’n-oyr? ta’n Chiarn er reih Jacob da hene: as Israel son e eiraght hene.

Psalmyn 33:12

Bannit yn pobble ta’n Jee oc yn Chiarn Jehovah: as bannit ta’n sleih t’eh er reih son e eiraght.

Psalmyn 68:16

Cre’n-fa ta shiu lheim myr shen, shiuish chroink ard? shoh cronk Yee, ayn s’gooidsave lesh dy chummal: dy jarroo, nee yn Chiarn tannaghtyn ayn son dy bragh.

Psalmyn 77:15

T’ou dy niartal er livrey dty phobble: dy jarroo mec Yacob as Yoseph.

Psalmyn 9:11

O moylley-jee yn Chiarn ta baghey ayns Sion: soilshee-jee da’n pobble cre t’eh er n’yannoo.

Psalmyn 9:12

Son tra t’eh jannoo briaght son deayrtey fuill dyn loght, t’eh cooinaghtyn orroo: as cha vel eh jarrood accan ny ymmyrchee.

Psalmyn 94:14

Son cha jean y Chiarn failleil e phobble: chamoo nee eh treigeil e eiraght;

Exodus 15:13

Ayns dty vyghin, t’ou er leeideil magh dty phobble, daue t’ou er choyrt livrey-ys: t’ou er leeideil ad ayns dty niart gys dty chummal casherick.

Exodus 15:16

Nee aggle as atchim tuittym orroo, liorish niart dty roih cha gleashee ad ny smoo na clagh, derrey hed dty phobble trooid [nyn droailt] O Hiarn, derrey hed y pobble ny hrooid, yn pobble t’ou er chosney [veih Egypt.]

Isaiah 51:11

Shen-y-fa chyndaa-ee adsyn reesht ta’n Chiarn er hauail, as hig ad lesh bingys gys Zion; as bee boggey dy bragh beayn er nyn ghing: cosnee ad gennallys as boggey, as nee trimshey as dobberan lheïe ersooyl.

Isaiah 62:12

As bee ad enmyssit Yn pobble casherick, Cloan chionnit y Chiarn: as bee uss enmyssit Ennoil, Yn ard-valley nagh vel treigit.

Isaiah 62:6

Ta mee er hoiaghey arreyderyn er dty voallaghyn, O Yerusalem, nagh bee nyn dhost laa ny oie: shiuish ta enmyssit er y Chiarn, ny bee-jee nyn dhost;

Isaiah 63:17

Cre’n-fa t’ou uss, O Hiarn, er lhiggey dooin goll er-shaghryn veih dty raaidyn, as er chreoghey nyn greeaghyn noi dty aggle? Chyndaa reesht er graih dty harvaantyn, sheelogheyn dty eiraght.

Isaiah 63:9

Ayns yn seaghyn oc va eshyn seaghnit, as ren ainle yn enish echeysyn adsyn y hauail: ayns e ghraih as ayns e erreeish ren eh ad y livrey: as hrog eh ad, as ren eh ad y ymmyrkey ooilley laghyn y chenn earish.

Jeremiah 10:16

Cha vel eiraght Yacob goll roosyn: son she eshyn t’er chiaddey dy chooilley nhee; as ta Israel cronney e eiraght: Chiarn ny sheshaghtyn flaunyssagh yn ennym echey.

Jeremiah 51:19

Cha vel Eiraght Yacob goll-roosyn; son she eshyn t’er chroo dy chooilley nhee; as ta Israel cronney e eiraght; Yn Chiarn ny flaunyssee yn ennym echey.

Jannoo 20:28

Cur-jee twoaie er-y-fa shen diu hene, as da ooilley yn chioltane harrystoo ta’n Spyrryd Noo er n’yannoo shiu nyn aspickyn, dy veaghey agglish Yee, t’eh er chionnaghey lesh e uill hene.

Deuteronomy 32:9

Son lesh y Chiarn e phobble; ta Jacob cronney e eiraght.

Deuteronomy 4:20

Agh ta’n Chiarn er ghoaill shiu, as er choyrt lesh shiu magh ass y choirrey yiarn, dy jarroo ass Egypt, dy ve son pobble dy eiraght da hene, myr ta shiu yn laa jiu.

Deuteronomy 9:26

Ghuee mee, er-y-fa shen, gys y Chiarn, as dooyrt mee, O Hiarn Yee, ny jean dty phobble y stroie, as dty eiraght, t’ou er livrey trooid dty phooar, ad hug oo lhiat magh ass Egypt, lesh laue niartal:

Deuteronomy 9:29

Ny-yeih dty phobble ad, as dty eiraght hene, hug oo lhiat magh liorish dty phooar niartal, as lesh dty roih sheeynt magh.

Titus 2:14

Hug eh-hene er nyn son, dy voddagh eh shin y eaysley veih dy chooilley vee-chraueeaght, as casherickey da hene pobble reiht, jeean ayns obbraghyn mie.

Ashlish 5:9

As ghow ad arrane noa, gra, T’ou uss feeu dy ghoaill y lioar, as dy eaysley ny sealyn eck: son v’ou er ny choyrt dy baase, as t’ou er chionnaghey shin reesht gys Jee liorish dty uill, ass dy chooilley chynney, as glare, as pobble, as ashoon;