Psalmyn 74:13 - Yn Vible Casherick 1775 1819

¹³ Son Jee my Ree er-dyn chenn earish: yn cooney ta jeant er y thalloo, eh-hene ta dy yannoo eh.

Lioar ny Psalmyn 1765 (Pointed)

¹³ Son Jee my Ree er dyn chenn earish: yn cooney ta jeant er y thalloo, eh hene ta dy yannoo eh.

Psalmyn 74:13 ပူးပေါင်းရင်းမြစ်များ

Nehemiah 9:11

As doshil oo raad ’syn aarkey rhymboo, myr shen dy jagh ad trooid mean yn aarkey er thalloo chirrym, as nyn dranlaasee hilg oo ’sy diunid, myr clagh ayns ushtaghyn dowiney.

Psalmyn 66:6

T’eh reill lesh e phooar son dy bragh; ta e hooillyn cur tastey da’n pobble: as ny lheid as nagh jean credjal, cha bee abyl ad-hene y hoiaghey seose.

Psalmyn 78:13

Reddyn mirrilagh ren eshyn ayns shilley ny shenn-ayraghyn ainyn, ayns thalloo Egypt: dy jarroo ayns magher Zoan.

Exodus 14:21

As heeyn Moses magh e laue erskyn yn aarkey; as hug y Chiarn er yn aarkey dy hraie, lesh geay niartal veih’n niar fud-ny-hoie shen, as haink y thalloo chirrym rish, as va ny ushtaghyn er nyn scarrey veih-my-cheilley.

Exodus 14:28

As haink ny ushtaghyn dy cheilley, as choodee ad ny fainee, as ny markee, as ooilley sheshaght-caggee Pharaoh, hie stiagh ’syn aarkey er nyn eiyrt’s: cha row unnane hene jeu faagit er-mayrn.

Ezekiel 29:3

Loayr, as abbyr, Myr shoh ta’n Chiarn Jee dy ghra, Cur-my-ner, ta mish dt’oï’s, Pharaoh, ree Egypt, yn dragon mooar ta lhie ayns mean ny awinyn echey, ta er ghra, Ta’n awin aym’s lhiam pene, as my chour hene ta mee er n’yannoo eh.

Ezekiel 32:2

Vac y dooinney, gow seose bardoon son Pharaoh ree Egypt, as abbyr rishyn, T’ou uss goll-rish lion aeg fud ny ashoonyn, as t’ou myr whale ayns ny faarkaghyn: as haink oo magh trooid dty awinyn, as ren oo seiy ny ushtaghyn lesh dty chassyn, as broghey dty awinyn.