Psalmyn 74:12 - Yn Vible Casherick 1775 1819

¹² Cre’n-fa t’ou tayrn back dty laue: kys te nagh vel oo goaill dty laue yesh ass dt’oghrish dy chur mow yn noid?

Lioar ny Psalmyn 1765 (Pointed)

¹² Cre’n-fa t’ow tayrn back dty laue: kys te nagh vel oo goaill dty laue yesh ass dt’oghrish dy chur mow yn noid?

Psalmyn 74:12 ပူးပေါင်းရင်းမြစ်များ

Psalmyn 44:4

Agh dty laue yesh, as dty roih, as soilshey dt’eddin: son dy row aigney-mie ayd daue.

Psalmyn 5:3

My choraa clynnee uss dy leah, O Hiarn: dy moghey neem’s my phadjer y hebbal hood’s, as jeeaghyn seose.

Isaiah 33:22

Son ta’n Chiarn y briw ainyn, yn Chiarn fer-toyrt nyn leigh, ta’n Chiarn nyn ree; nee eh shin y hauail.

Isaiah 63:8

Son dooyrt eh, Shickyr she my phobble ad, cloan nagh jean breg: myr shen v’eshyn nyn Saualtagh.

Jeremiah 10:10

Agh ta’n Chiarn yn Jee firrinagh, eshyn y Jee bio, as y Ree dy bragh farraghtyn: ec y chorree echeysyn bee’n seihll er-creau, as cha vod ny ashoonyn e yymmoose y ymmyrkey.

Habakkuk 1:12

Nagh vel uss er-dy-rieau, O Hiarn my Yee, my er-casherick? cha vow mayd baase: O Hiarn, t’ou er vaagail magh ad son briwnys; as, O Yee niartal, t’ou er chiarail ad cour smaghtaghey.

Jannoo 7:7

As yn ashoon shen daue vees ad ayns bondiaght neem’s y vriwnys dooyrt Jee: as ny lurg shen hig ad magh, as shirveishee ad mee ’sy voayl shoh.

1 Samuel 19:5

Son hug eh e vioys ayns e laue, as varr eh yn Philistine, as dobbree’n Chiarn saualtys mooar son Israel: honnick oo-hene eh, as ghow boggey jeh; cre’n-fa eisht, nee oo aggair y yannoo noi fuill gyn-loght, dy varroo David gyn oyr?