Psalmyn 73:6 - Yn Vible Casherick 1775 1819

⁶ As shoh yn oyr dy vel ad sheidit seose lesh moyrn: as coodit harrish lesh dewlys.

Lioar ny Psalmyn 1765 (Pointed)

⁶ As shoh yn oyr dy vel ad sheidit seose lesh moyrn: as coodit harrish lesh dewlys.

Psalmyn 73:6 ပူးပေါင်းရင်းမြစ်များ

Genesis 41:42

As ghow Pharaoh jeh yn fainey echey veih e laue, as hug eh er laue Yoseph eh, as choamree eh eh ayns garmadyn sheeidey, as hug eh boandey dy airh mooish e wannal.

Esther 3:1

Lurg ny reddyn shoh, ren ree Ahasuerus soiaghey seose Haman mac Hammedatha yn Agagite, as hrog eh gys ard-oik eh, as hoie eh eh erskyn ooilley ny princeyn va mârish.

Psalmyn 109:18

Bee eh da myr y cloagey t’eh dy cheau: as myr y cryss ta dy kinjagh mysh.

Psalmyn 109:29

Er my hon’s, ver-ym mooarane booise da’n Chiarn lesh my veeal: as nee’m eshyn y voylley mastey earroo yn phobble.

Raaghyn Creeney 1:9

Son bee ad aalid dy ghrayse da dty chione, as myr boandey airhey mysh dty wannal.

Raaghyn Creeney 3:31

Ny jean troo mysh y tranlaasagh, as ny jean reih veg jeh e raaidyn.

Raaghyn Creeney 4:17

Son t’ad gee arran y vee-chraueeaght, as giu feeyn y dewilys.

Ecclesiastes 8:11

Er-yn-oyr nagh vel cooilleen chelleeragh er ny ghoaill er drogh-yannoo: Shen-y-fa ta cree cloan gheiney dy slane soit ayndoo dy yannoo olk.

Arrane Solomon 4:9

T’ou er chleayney my chree, my ghraih, my gherjagh, lesh un shallid jeh dty hooillyn, lesh un chyndaa jeh dty wannal t’ou er ghoaill my chree.

Isaiah 3:19

Ny chainyn sollys, as beadyn ny roihaghyn, as ny breidyn,

Jeremiah 48:11

Ta Moab er ve ec aash er dy foddey, as ec fea er e ghrundin: cha row eh folmit veih saagh gys saagh, chamoo t’eh er n’gholl gys cappeeys: shen-y-fa ta e vlass er hannaghtyn ayn, as cha vel e vree er n’gholl eig.

Jeremiah 48:29

Ta shin er chlashtyn jeh moyrn Voab, (t’eh erskyn-towse moyrnagh,) e vooaralys, as e chione-ardys, as e voyrn, as roonid e chree.

Ezekiel 16:11

Hoie mee magh oo myrgeddin dy stoamey, as hug mee braceletyn er dty laueyn, as boandey airhey mysh dty wannal.

Daniel 4:30

Loayr y ree, as dooyrt eh, Nagh nee shoh Babylon mooar, ta mee er hroggal son thie yn reeriaght, liorish niart my phooar, as son onnor my ooashley?

Micah 3:5

Myr shoh ta’n Chiarn dy ghra mychione ny phadeyryn, ta coyrt shaghrynys er my phobble, ta lhottey lesh nyn veeacklyn, as fockley magh, Shee: as dy jarroo t’ad jannoo ad-hene aarloo gys caggey, noi eshyn nagh vel er lhieeney nyn meeal.

Deuteronomy 32:15

Agh daase Jeshurun roauyr, as ren eh brebbal: t’ou uss er n’aase roauyr, as t’ou er n’ghoaill thummyd, t’ou coodit lesh saill; eisht hreig eh Jee ren eh y chroo, as hoie eh beg jeh creg e haualtys.

1 Peddyr 5:5

Myrgeddin shiuish sleih aegey, bee-jee arrymagh da’n chenndeeaght: dy jarroo bee-jee ooilley ayns biallys yn derrey yeh gys y jeh elley, as bee-jee coamrit lesh injillid aigney: son ta Jee soiaghey eh-hene noi’n vooinjer voyrnagh, as t’eh coyrt grayse dauesyn ta imlee.

Briwnyn 8:26

As va trimmid ny fainaghyn airh ren eh y hirrey thousane as shiaght cheead shekel dy airh, cheu-mooie jeh coamraghyn, as jewellyn, as garmadyn purple v’er reeaghyn Vidian, as ny colliaryn airh va mysh mwannallyn ny camelyn.