Psalmyn 72:7 - Yn Vible Casherick 1775 1819

⁷ Ayns y lhing echeysyn nee yn vooinjer chairagh bishaghey: dy jarroo, as palchey dy hee, choud as ta’n eayst farraghtyn.

Lioar ny Psalmyn 1765 (Pointed)

⁷ Ayns y lhing echeysyn nee yn vooinjer chairagh bishaghey: dy-jarroo, as palchey dy hee, choud as ta’n eayst farraghtyn.

Psalmyn 72:7 ပူးပေါင်းရင်းမြစ်များ

1 Reeaghyn 4:25

As ren Judah as Israel baghey dy sauchey, dy chooilley ghooinney fo e villey-feeyney as fo e villey-figgagh hene, veih Dan eer gys Beer-sheba, rish slane lhing Solomon.

1 Reeaghyn 5:4

As nish ta’n Chiarn my Yee er choyrt fea dooys er dagh cheu, myr shen nagh vel edyr noid ny olk ayns my raad.

Psalmyn 92:12

Nee nyn lheid as t’er nyn soiaghey ayns thie yn Chiarn: bishaghey ayns cooyrtyn thie yn Jee ain.

Isaiah 2:4

As nee eh briwnys mastey ny ashoonyn, as ver eh oghsan da ymmodee pobble; as obbree ad seose nyn gliwenyn gys yiarnyn-shesheree, as nyn shleiyghyn gys yiarnyn-foldyragh: cha jean ashoon cliwe y hroggal seose noi ashoon, chamoo nee ad gynsaghey yn keird-caggee ny smoo.

Isaiah 60:1

Trog ort, jean soilshean; son ta dty hoilshey er jeet, as ta gloyr y Chiarn er n’irree ort.

Isaiah 60:22

Hig yn fer fardalagh dy ve thousane, as yn fer faase dy ve ny ashoon niartal: neem’s yn Chiarn, shoh y chooilleeney dy leah ’syn imbagh cooie.

Daniel 2:44

As rish lhing ny reeaghyn shoh, nee Jee ny flaunys soiaghey seose reeriaght, nagh bee dy bragh er ny stroie: as cha bee yn reeriaght faagit da pobble elley, agh brishee eh ayns peeshyn, as ver eh mow ooilley ny reeriaghtyn shoh, as nee eh shassoo son dy bragh.

Zechariah 9:10

As giare-ym jeh yn ainagh voish Ephraim, as y cabbyl veih Jerusalem, as bee’n bow-chaggee er ny vrishey, as loayree eh shee rish ny ashoonee: as bee yn reeriaght eer veih keayn gys keayn, as veih yn awin gys ardjyn sodjey magh y thallooin.

Malachi 4:2

Agh erriuish ta goaill aggle roish my ennym, nee yn ghrian dy ynrickys girree lesh slaynt ayns e skianyn; as hed shiuish er nyn doshiaght, as gaase myr ny lheiyee slane beiyht.

Noo Luke 1:33

As nee eh reill harrish thie Yacob gys earishyn foddey beayn, as er e reeriaght cha bee jerrey erbee.

Noo Luke 2:14

Gloyr dy row gys Jee ayns yn yrjid, as er y thalloo shee, aigney-mie gys deiney.

Jannoo 4:32

As va’n earroo jeusyn ren credjal jeh’n un chree as yn un annym; chamoo dooyrt fer jeu, dy by-liesh hene va nhee erbee jeh e chooid-seihlt, agh va dy chooilley nhee oc ayns co-pharteeas cadjin.