Psalmyn 72:5 - Yn Vible Casherick 1775 1819

⁵ Gowee ad aggle royd choud as ta’n ghrian as yn eayst er-mayrn: veih un heeloghe gys sheeloghe elley.

Lioar ny Psalmyn 1765 (Pointed)

⁵ Gow-ee ad aggle royd choud as ta’n ghrian as yn eayst er-mayrn: veih un heeloghe gys sheeloghe elley.

Psalmyn 72:5 ပူးပေါင်းရင်းမြစ်များ

1 Reeaghyn 3:28

As cheayll ooilley Israel jeh’n vriwnys va’n ree er choyrt; as v’ad arrymagh roish y ree: son honnick ad dy row creenaght Yee mârish, ayns jannoo briwnys.

Psalmyn 72:17

Nee yn ennym echey farraghtyn son dy bragh, bee yn ennym echey er-mayrn fo’n ghrian mastey ny sheelogheyn ta foast ry-heet: vees er nyn mannaghey ny hrooidsyn, as nee ooilley ny ashoonyn eh y voylley.

Psalmyn 72:7

Ayns y lhing echeysyn nee yn vooinjer chairagh bishaghey: dy jarroo, as palchey dy hee, choud as ta’n eayst farraghtyn.

Psalmyn 89:29

Freill-ym my vyghin er e hon son dy bragh: as shassee my chonaant shickyr mârishyn.

Isaiah 9:7

Er mooadys e reill as e hee cha bee jerrey, er stoyl-reeoil Ghavid, as er e reeriaght, dy oardrail eh, as dy niartaghey eh lesh briwnys as cairys, veih’n traa shoh magh eer son dy bragh. Graih jeean Chiarn ny flaunyssee nee shoh y chooilleeney.

Daniel 2:44

As rish lhing ny reeaghyn shoh, nee Jee ny flaunys soiaghey seose reeriaght, nagh bee dy bragh er ny stroie: as cha bee yn reeriaght faagit da pobble elley, agh brishee eh ayns peeshyn, as ver eh mow ooilley ny reeriaghtyn shoh, as nee eh shassoo son dy bragh.

Daniel 7:14

As va er ny choyrt da reiltys, as gloyr, as reeriaght, dy jinnagh dy chooilley phobble, ashoonyn, as glaraghyn eshyn y hirveish: ta e reiltys reiltys dy bragh farraghtyn, nagh jean cherraghtyn, as e reeriaght shen nagh bee er ny stroie.

Daniel 7:27

As bee yn reeriaght as y reiltys, as mooadys y reeriaght fo ooilley niau, er ny choyrt da pobble noo yn er smoo syrjey, ta e reeriaght reeriaght dy bragh farraghtyn, as nee dy chooilley reiltys shirveish, as cur biallys da.

Ephesianee 3:21

Huggey dy row gloyr ayns yn agglish liorish Creest Yeesey, trooid magh dy chooilley eash, seihll gyn jerrey. Amen.

Ashlish 11:15

As heid y chiaghtoo ainle, as va coraaghyn mooarey ayns niau, gra, Ta reeriaghtyn y theihll er jeet dy ve reeriaghtyn nyn Jiarn, as y Creest echey, as nee eh reill son dy bragh as dy bragh.

1 Samuel 12:18

Myr shen deïe Samuel gys y Chiarn; as hug y Chiarn taarnagh as fliaghey yn laa shen: as va ooilley’n pobble ayns lane aggle roish y Chiarn as Samuel.