Psalmyn 72:2 - Yn Vible Casherick 1775 1819

² Eisht nee eh dty phobble y vriwnys cordail rish cairys: as nee eh ny boghtyn y endeil.

Lioar ny Psalmyn 1765 (Pointed)

² Eisht nee eh dty phobble y vriwnys cordail rish cairys: as nee eh ny boghtyn y endeil.

Psalmyn 72:2 ပူးပေါင်းရင်းမြစ်များ

2 Samuel 23:3

Ta Jee Israel er ghra, ta creg Israel er loayrt rhym’s, Shegin dasyn ta reill harrish deiney ve cairagh, reill ayns aggle Yee:

1 Reeaghyn 10:9

Bannit dy row’n Chiarn dty Yee, ghow taitnys aynyd, dy hoiaghey oo er stoyl-reeoil Israel: er-yn-oyr dy bynney lesh y Chiarn Israel er-dy-rieau, shen-y-fa ren eh ree jeed’s, dy chur briwnys as cairys.

1 Reeaghyn 3:28

As cheayll ooilley Israel jeh’n vriwnys va’n ree er choyrt; as v’ad arrymagh roish y ree: son honnick ad dy row creenaght Yee mârish, ayns jannoo briwnys.

1 Recortyssyn 29:19

As giall da Solomon my vac cree ynrick, dy reayll dty annaghyn, dty recortyssyn, as dty lattyssyn, as dy yannoo ooilley ny obbraghyn shoh, as dy hroggal y chiamble shen ny chour ta mee ro-laue er chiarail.

Lioar Yob 34:19

Cre-woad sloo rishyn nagh vel soiaghey jeh persoonyn princeyn, ny cur geill da’n verchagh veg smoo na da’n voght? son t’ad ooilley obbyr e laueyn.

Psalmyn 12:5

Nish er graih seaghyn vee-gherjoil ny ymmyrchee: as er son osnaghyn tromey ny boghtyn;

Raaghyn Creeney 29:14

Yn ree ta dy firrinagh briwnys son ny boghtyn, bee yn stoyl-reeoil echeysyn er ny hickyraghey son dy bragh.

Isaiah 32:1

Cur-my-ner, nee ree reill ayns ynrickys, as nee princeyn gymmyrkey reill ayns briwnys.

Isaiah 32:17

As bee obbyr ynrickys, shee; as jerrey ynrickys, fea as shickyrys son dy bragh.

Isaiah 9:7

Er mooadys e reill as e hee cha bee jerrey, er stoyl-reeoil Ghavid, as er e reeriaght, dy oardrail eh, as dy niartaghey eh lesh briwnys as cairys, veih’n traa shoh magh eer son dy bragh. Graih jeean Chiarn ny flaunyssee nee shoh y chooilleeney.

Jeremiah 33:15

Ayns ny laghyn shen, as ec y traa shen, trog-yms seose da David yn Vanglane dy chairys; as nee eh briwnys as cairys y hirveish ’sy cheer.

Ezekiel 34:16

Nee’m shirrey son shen va caillit, as ver-ym lhiam reesht shen v’er-shaghryn, as soïll-ym seose shen va brisht, as niartee-ym shen va doghanit: agh stroie-ym ny mooaralee, as y lajer, as lesh briwnys jeeagh-yms nyn yeï.

Ashlish 19:11

As honnick mee niau foshlit as cur-my-ner, cabbyl bane: as va eshyn va markiagh er enmyssit Firrinagh as Ynrick, as ayns cairys t’eh briwnys as jannoo caggey.