Psalmyn 72:10 - Yn Vible Casherick 1775 1819

¹⁰ Reeaghyn Tarshish as ny ellanyn ver ad lhieu toyrtyssyn: ver reeaghyn Arabia as Saba lhieu giootyn.

Lioar ny Psalmyn 1765 (Pointed)

¹⁰ Reeaghyn Tharsis as ny ellanyn, ver ad lhieu toyrtyssyn: ver reeaghyn Arabia as Saba lhieu giootyn.

Psalmyn 72:10 ပူးပေါင်းရင်းမြစ်များ

Genesis 10:7

As mec Cush; Seba, as Havilah, as Sabtah, as Raamah, as Sabtecha; as mec Raamah; Sheba as Dedan.

1 Reeaghyn 10:1

As tra cheayll ben-reïn Sheba jeh goo Solomon, mychione ennym y Chiarn, haink ee dy phrowal eh lesh questionyn dorraghey.

1 Reeaghyn 10:10

As hug ee da’n ree keead talent as feed dy airh, as stoyr yindyssagh dy spiceyn, as jewellyn costal: cha daink arragh lheid y palchey dy spiceyn, as ad shoh hug ben-reïn Sheba da ree Solomon.

1 Reeaghyn 10:2

As haink ee gys Jerusalem lesh sheshaght feer vooar, as camelyn laadit lesh spiceyn, as weight airh, as jewellyn costal: as tra v’ee er jeet gys Solomon, loayr ee rish jeh ooilley ny v’eck ayns e cree.

1 Reeaghyn 10:25

As hug ad lhieu dagh dooinney e yiootyn, siyn argid, as siyn airh, as coamraghyn, as eilley-caggee, as spiceyn, cabbil, as muleyn, kuse cour ny bleeaney.

2 Recortyssyn 9:21

Son hie lhongyn y ree gys Tarshish marish shoalteyryn Huram; keayrt ayns three bleeaney haink lhongyn Tarshish cur lhieu airh as argid, ivory, as apeyn, as peacockyn.

Esther 10:1

As hug ree Ahasuerus y cheer, as ellanyn ny marrey fo keesh.

Psalmyn 45:12

Myr shen bee taitnys ec y ree ayns dty aalid: son eshyn y Chiarn dty Yee, as cur uss ooashley da.

Psalmyn 68:29

Son graih dty hiamble ec Jerusalem: myr shen ver reeaghyn lhieu giootyn hood’s.

Psalmyn 68:30

Tra vees sheshaght ny deiney-shleiy, as earrooyn ny deiney niartal er nyn skeayley dy lhean (mastey feïeys y phobble,) myr shen dy vel ad dy imlee cur lhieu peeshyn dy argid: as tra t’eh er skeayley yn pobble ta goaill taitnys ayns caggey:

Isaiah 42:10

Gow-jee arrane noa gys y Chiarn, as cur-jee moylley da er feaï-ny-cruinney; shiuish ta taaghey yn aarkey, as ooilley ny ta ayn; ny ellanyn, as nyn gummaltee.

Isaiah 42:4

Cha jean eh failleil ny coayl e chree, derrey t’eh er hoiaghey seose briwnys er y thalloo: as nee ny ellanyn farkiaght son e leigh.

Isaiah 43:3

Son mish y Chiarn dty Yee, Jee casherick Israel, dty Haualtagh: hug mee Egypt son dty choonrey, Ethiopia as Seba son dty eaysley.

Isaiah 43:6

Jir-ym rish y twoaie, Cur seose; as rish y jiass, Ny jean lhiettal: cur-jee lhieu my vec veih foddey, as my inneenyn veih ardjyn ny cruinney;

Isaiah 49:7

Myr shoh ta’n Chiarn, Saualtagh Israel, dy ghra, as e Er-casherick, rishyn ta sleih soiaghey beg jeh, rishyn ta dwoaie yn ashoon, rish sharvaant dy ir-reill; Ver reeaghyn my-ner as troggee ad orroo; princeyn myrgeddin, as ver ad ooashley, er graih yn Chiarn, yn Er ynrick, as Jee casherick Israel, as nee eh uss y reih.

Isaiah 60:3

As hig ny ashoonee gys dty hoilshey, as reeaghyn gys sollyssid dty voghrey.

Isaiah 60:6

Nee camelyn erskyn earroo taaghey hood, dromedareeyn Vidian as Ephah; adsyn ooilley veih Sheba hig ad: ver ad lhieu airh as incense; as soilshee ad magh ard-voylley yn Chiarn.

Isaiah 60:9

Son shickyrys nee ny ellanyn farkiaght er my hon, as lhongyn Tarshish hoshiaght, dy choyrt lhieu my vec veih foddey, nyn argid as nyn airh mâroo, gys ennym y Chiarn dty Yee, as gys Jee casherick Israel; er-yn-oyr dy vel eh er dty ghloyraghey.

Noo Mian 2:11

As goll stiagh ’sy thie, hooar ad y lhiannoo marish Moirrey e voir, as gliooney sheese, hug ad ooashley da: as fosley ny tashtaghyn oc, heb ad giootyn da; airh, as frankincense, as myrrh.