Psalmyn 71:5 - Yn Vible Casherick 1775 1819

⁵ Liort’s ta mee er ny chummal seose neayr as ruggyr mee: uss ren m’y ghoaill ass breïn my vayrey; bee my voylley dy bragh jeed’s.

Lioar ny Psalmyn 1765 (Pointed)

⁵ Liort ta mee er ny chummal seose neayr as ruggyr mee: uss ren m'y ghoaill ass breïn my vayrey; bee my voylley dy-bragh jeeds.

Psalmyn 71:5 ပူးပေါင်းရင်းမြစ်များ

1 Reeaghyn 18:12

As hig eh gy-kione, cha beem’s ny s’leah er dty aagail, agh dy jean Spyrryd y Chiarn lesh oo cha vel fys cre’n raad; as myr shen tra hig-ym dy insh da Ahab, as nagh bee oo ry-gheddyn, nee eh mish y varroo: agh ta mish dty harvaant er ve ayns aggle y Chiarn veih my aegid.

2 Recortyssyn 34:3

Son ayns y hoghtoo vleïn jeh e reill, choud’s v’eh foast aeg, v’eh aggindagh dy hirveish Jee Ghavid e ayr: as ’sy nah vleïn yeig ren eh toshiaght dy scughey ass Judah as Jerusalem ny ard-ynnydyn, as ny keylljyn, as ny jallooyn grainnit, as ny jallooyn lheït.

Psalmyn 119:166

Hiarn, ta mee er yeeaghyn son dty haualtys slayntoil: as er n’yannoo lurg dt’annaghyn.

Psalmyn 119:81

Ta m’annym er ghoaill foddeeaght son dty haualtys: as ta my hreishteil mie er graih dty ghoo.

Psalmyn 13:5

Agh ta my hreishteil ayns dty vyghin: as nee my chree boggey ’ghoaill ayns dty haualtys.

Psalmyn 39:7

Son ta dooinney gimmeeaght ayns scadoo fardalagh, as dy voirey eh-hene ayns fardail: t’eh stoyral seose berchys, as cha vel fys echey quoi yiow soylley jeu.

Psalmyn 42:11

Jir-yms rish Jee my niart, Cre’n-fa t’ou er my yarrood: kys ta mee myr shoh goll trimshagh, choud as ta’n noid jannoo tranlaase orrym?

Psalmyn 71:17

Ta dty chairys, O Yee, feer ard, as s’mooar ny reddyn shen t’ou er n’yannoo: O Yee, quoi ta dy ve er ny hoylaghey hood’s!

Ecclesiastes 12:1

Cooinee nish er dty er-croo, ayns laghyn dty aegid, roish my jig ny laghyn seaghnagh, as ny bleeantyn tayrn er-gerrey, tra jir oo, Cha vel taitnys aym ayndoo.

Jeremiah 14:8

O hreishteil Israel, yn Saualtagh oc ayns earish seaghyn, kys t’ou myr joarree ’sy cheer, as myr troailtagh ta cheet stiagh dy ghoaill aaght oie?

Jeremiah 17:13

O Hiarn, treishteil Israel, bee ooilley adsyn ta dty hreigeil er nyn goyrt gys nearey, as adsyn ta cur cooyl rhym’s bee ad scruit ’sy joan, er-yn-oyr dy vel ad er hreigeil y Chiarn, yn farrane dy ushtaghyn bio.

Jeremiah 17:17

Ny bee son atchim dou: t’ou uss my hreishteil ’sy laa seaghnagh.

Jeremiah 17:7

Bannit ta’n dooinney ta coyrt e varrant er y Chiarn, as ta’n Chiarn e hreishteil:

Jeremiah 50:7

Quoi-erbee hooar ad, ren stroie ad: as dooyrt nyn noidyn, Cha vel shin ayns foill, son dy vel adsyn er n’yannoo peccah noi’n Chiarn, fendeilagh yn chairys; eer yn Chiarn, treishteil nyn ayraghyn.

Noo Luke 2:40

As daase y lhiannoo, as v’eh er ny niartaghey ’sy spyrryd, as lhieent lesh creenaght, as va grayse Yee mârish.

Romanee 15:13

Nish dy jean y Jee dy hreishteil shiuish y lhieeney lesh dy chooilley voggey as shee ayns credjal, dy vod shiu bishaghey ayns treishteil trooid pooar y Spyrryd Noo.

2 Timothy 3:15

As neayr’s v’ou dty lhiannoo dy vel oo er ve ynsit ayns ny scriptyryn casherick, oddys oo y yannoo creeney gys saualtys, trooid credjue ayns Creest Yeesey.

1 Samuel 16:13

Eisht ghow Samuel yn eairk dy ooil, as ren eh eh y ooilaghey er-lheh veih e vraaraghyn: as haink Spyrryd y Chiarn er David veih’n laa shen magh. Myr shen dirree Samuel, as hie eh gys Ramah.