Psalmyn 71:22 - Yn Vible Casherick 1775 1819

²² Nee my hengey myrgeddin loayrt jeh dty chairys fey-ny-laa: son t’ad er nyn goyrt mow as er nyn goyrt lhieu gys nearey, ta shirrey olk y yannoo dooys.

Lioar ny Psalmyn 1765 (Pointed)

²² Nee my hengey myrgeddin loayrt jeh dty chairys fey-ny-laa: son t’ad er nyn ghoyrt mow as er nyn ghoyrt lhieu gys nearey, ta shirrey olk y yannoo dooys.

Psalmyn 71:22 ပူးပေါင်းရင်းမြစ်များ

2 Reeaghyn 19:22

Quoi t’ou uss er oltooaney, as er loayrt goan mollaghtagh n’oï, as quoi noi t’ou er n’ockley magh dty choraa, as dy mooaralagh er hroggal seose dty hooillyn? eer noi’n Jee Casherick Israel.

Psalmyn 138:2

Nee’m ooashley ’choyrt kiongoyrt rish dty hiamble casherick, as dt’Ennym y voylley, er coontey dty chenjallys-ghraihagh as dt’ynrickys: son t’ou er ghloyraghey dt’Ennym as dty Ghoo erskyn dy chooilley nhee.

Psalmyn 144:9

Goym’s arrane-moyllee noa hood’s, O Yee: as hood’s nee’m kiaulleeaght er lute dy yeih strengyn.

Psalmyn 25:10

Er graih dt’ennym, O Hiarn: bee myghinagh da my pheccah, son s’mooar te.

Psalmyn 33:2

Moylley-jee yn Chiarn lesh y chlaasagh: gow-jee arraneyn-moyllee da lesh y lute, as y ghreïe-chiaull dy yeih strengyn.

Psalmyn 43:4

Dy voddym goll gys altar Yee, dy jarroo gys Jee my voggey as my yennallys: as er y chlaasagh ver-yms booise dhyt’s, O Yee, my Yee.

Psalmyn 56:4

Ver-yms moylley da Jee son e ghoo: ta mee er choyrt my hreishteil ayns Jee, as cha goym aggle cre oddys dooinney y yannoo rhym.

Psalmyn 78:41

Shimmey keayrt ren ad eh y vrasnaghey ’syn aasagh: as eh y heaghney ’sy chaitnys ghennish.

Psalmyn 89:1

Bee m’arrane kinjagh jeh kenjallys-ghraihagh y Chiarn: lesh my veeal beem’s dy bragh soilshaghey dt’irriney veih un sheeloghe gys sheeloghe elley.

Psalmyn 89:18

Son uss gloyr y niart oc: as ayns dty chenjallys-ghraihagh nee oo nyn ghing y hroggal seose.

Psalmyn 98:3

Ta’n Chiarn er hoilshaghey e haualtys: e chairys t’eh er hoiaghey magh dy foshlit ayns shilley ny ashoonyn.

Psalmyn 98:4

T’eh er chooinaghtyn er e vyghin as e ynrickys gys thie Israel: as ta ny ardjyn sodjey mooie jeh’n theihll er vakin saualtys y Jee ain.

Psalmyn 98:5

Jeeagh-jee shiu hene gennal gys y Chiarn, ooilley shiuish cheeraghyn: gow-jee arrane, gow-jee boggey, as cur-jee booise.

Isaiah 12:6

Eïe magh, as yllee, uss chummaltagh Zion: son s’mooar ta’n Fer-casherick dy Israel cheu-sthie jeed.

Isaiah 43:3

Son mish y Chiarn dty Yee, Jee casherick Israel, dty Haualtagh: hug mee Egypt son dty choonrey, Ethiopia as Seba son dty eaysley.

Isaiah 5:16

Agh bee Chiarn ny flaunyssee er ny ooashlaghey ayns briwnys, as bee yn Jee casherick er ny chasherickey ayns cairys.

Isaiah 5:19

Ta gra, Lhig da siyr y yannoo, as ve tarroogh mysh e obbyr, dy vod mayd baght ’ghoaill jeh: as lhig da coyrle Fer-casherick Israel tayrn er-gerrey as cheet, dy vod mayd cur-my-ner eh!

Isaiah 5:24

Shen-y-fa myr ta’n aile stroie yn stubble, as y lossey stroie yn coau, myr shen bee yn fraue oc myr loauid, as hed y blaa oc seose myr y joan; son dy vel ad er n’yiooldey rish leigh Chiarn ny flaunyssee, as dy vel ad er hoiaghey beg jeh goo Yee casherick Israel.

Isaiah 57:15

Son shoh myr ta’n Jee smoo ard as ooasle dy ghra, eer eshyn ta cummal ayns beaynid dy bragh farraghtyn, e ennym ta Casherick; Ta mee cummal ’syn ynnyd ard as casherick, mârishyn myrgeddin ta jeh spyrryd imlee arryssagh, dy gherjaghey spyrryd ny imlee, as dy gherjaghey cree ny accryssee.

Isaiah 60:9

Son shickyrys nee ny ellanyn farkiaght er my hon, as lhongyn Tarshish hoshiaght, dy choyrt lhieu my vec veih foddey, nyn argid as nyn airh mâroo, gys ennym y Chiarn dty Yee, as gys Jee casherick Israel; er-yn-oyr dy vel eh er dty ghloyraghey.

Micah 7:20

Nee oo yn ynrickys y hoilshaghey da Jacob, as y vyghin da Abraham, t’ou, er vreearrey da nyn ayraghyn er-dy laghyn yn chenn earish.

Romanee 15:8

Nish ta mee gra, dy row Yeesey Creest ny hirveishagh jeh’n ghiarey-chymmylt, son firrinys Yee, dy hickyraghey ny gialdynyn va jeant da ny ayraghyn.