Psalmyn 71:21 - Yn Vible Casherick 1775 1819

²¹ Bee my veillyn gennal tra ta mee goaill arrane hood’s: as myr shen vees m’annym t’ou uss er ny livrey.

Lioar ny Psalmyn 1765 (Pointed)

²¹ Bee my veillyn gennal tra ta mee goaill arrane hoods: as myr shen vees m’annym t’ow uss er ny livrey.

Psalmyn 71:21 ပူးပေါင်းရင်းမြစ်များ

2 Samuel 3:1

Nish son earish foddey va caggey eddyr thie Saul as thie Ghavid: agh daase David ny s’troshey as ny s’troshey, as lheïe thie Saul ny s’lhag as ny s’lhag.

Psalmyn 18:35

T’ou er choyrt dooys fendeilys dy haualtys: nee dty laue yesh neesht m’y chummal seose, as nee dty smaght graihagh mish y yannoo mooar.

Psalmyn 23:4

Dy jarroo, ga dy vel mee shooyl ayns coan scadoo yn vaaish, cha goym aggle roish olk erbee: son t’ou uss mârym; ta dty latt as dty lorg dy my gherjaghey.

Psalmyn 32:10

Ny bee-jee shiuish goll-rish cabbyl ny mule, ta fegooish tushtey: yn beeal oc shegin y ve smaghtit lesh beealraghyn as streean, er-aggle dy roie ad ort.

Psalmyn 72:11

Nee dy chooilley ree tuittym sheese kiongoyrt rish: nee dy chooilley ashoon eh y hirveish.

Psalmyn 86:17

Soilshee orrym cowrey ennagh jeh dt’oayr, dy vod adsyn ta feoh oc orrym shen y akin, as goaill nearey: er-y-fa dy vel uss, Hiarn, er chooney lhiam, as er my gherjaghey.

Isaiah 12:1

As ayns y laa shen nee oo gra, O Hiarn, ver-ym moylley dhyt: ga dy r’ou corree rhym, ta dty yymmoose chyndaït ersooyl as t’ou dy my gherjaghey.

Isaiah 49:13

Gow-jee arrane, O shiuish niaughyn; as gow uss boggey, O halloo; as brish-jee magh ayns bingys, O leityn; son ta’n Chiarn er gherjaghey e phobble, as bee eh myghinagh da e vooinjer seaghnit.

Isaiah 49:6

As dooyrt eh, S’aashagh te dhyt dy ve my harvaant, dy hroggal seose sheelogheyn Yacob, as dy hyndaa reesht cloan sauchey Israel; ver-yms oo myrgeddin dy ve son soilshey da ny ashoonyn, dy vod oo ve my haualtys gys ny ardjyn sodjey magh jeh’n theihll.

Isaiah 9:7

Er mooadys e reill as e hee cha bee jerrey, er stoyl-reeoil Ghavid, as er e reeriaght, dy oardrail eh, as dy niartaghey eh lesh briwnys as cairys, veih’n traa shoh magh eer son dy bragh. Graih jeean Chiarn ny flaunyssee nee shoh y chooilleeney.

2 Corinthianee 2:14

Nish booise dy row gys Jee, ta dy kinjagh coyrt dooin oyr yn varriaght ayns Creest, as ta skeayley soar millish yn tushtey jehsyn liorin ayns dy chooilley ynnyd.

2 Corinthianee 7:13

Er-yn-oyr shoh va shinyn er nyn gherjaghey son y gherjagh euish: dy jarroo, as va foddey smoo dy voggey orrin er coontey Titus, er-yn-oyr dy row yn spyrryd echey er ny gherjaghey lieriu ooilley.

2 Corinthianee 7:6

Ny-yeih, Jee, ta gerjaghey adsyn ta tilgit sheese, ren gerjaghey shinyn liorish cheet Titus:

1 Thessalonianee 3:9

Son cre’n booise oddys mayd reesht y choyrt da Jee er y lieh eu, son ooilley yn boggey ta shin dy ghoaill er y ghraih euish kiongoyrt rish Jee,

Ashlish 11:15

As heid y chiaghtoo ainle, as va coraaghyn mooarey ayns niau, gra, Ta reeriaghtyn y theihll er jeet dy ve reeriaghtyn nyn Jiarn, as y Creest echey, as nee eh reill son dy bragh as dy bragh.