Psalmyn 71:20 - Yn Vible Casherick 1775 1819

²⁰ Shen-y-fa nee’m uss as dt’irriney y voylley, O Yee, cloie er greïe dy vingys: hood’s goym arrane er y chlaasagh, O uss er-casherick dy Israel.

Lioar ny Psalmyn 1765 (Pointed)

²⁰ Shen-y-fa nee’m uss as dt’irriney y voylley, O Yee, cloie er greïe dy vingys: hoods goym arrane er y chlaasagh, O uss Er chasherick dy Israel.

Psalmyn 71:20 ပူးပေါင်းရင်းမြစ်များ

2 Samuel 12:11

Myr shoh ta’n Chiarn gra, Cur-my-ner, neem’s olk y hroggal seose dt’oï ass dty hie hene, as goyms ersooyl dty vraane kiongoyrt rish dty hooillyn, as ver-ym ad da dty naboo, as nee eh lhie mâroo ayns shilley’n ghrian shoh.

Psalmyn 119:25

Ta m’annym lhiantyn gys y joan: O jean uss mish y vioghey cordail rish dty ghoo.

Psalmyn 138:7

Ga dy vel mee shooyl ayns mean seaghyn, ny-yeih nee oo m’y ooraghey: sheeynee oo magh dty laue er eulys my noidyn, as nee dty laue yesh mish y hauail.

Psalmyn 16:10

Shen-y-fa va my chree gennal as my ghloyr lane dy voggey: nee my challin myrgeddin goaill fea ayns treishteil.

Psalmyn 60:3

T’ou er yeeaghyn da dty phobble reddyn trimshagh: t’ou er choyrt dooin jough feeyney baasoil.

Psalmyn 60:5

Shen-y-fa va’n vooinjer bynney lhiat er nyn livrey: cooin lhiam lesh dty laue yesh, as clasht rhym.

Psalmyn 80:18

As myr shen cha jed mayd back voïd’s: O lhig dooin ’ve bio, as nee mayd geamagh er dt’Ennym.

Psalmyn 85:6

Nagh jean oo chyndaa reesht, as shinyn y vioghey: dy vod dty phobble boggey y ghoaill aynyd?

Psalmyn 86:13

Son s’mooar ta dty vyghin hym’s: as t’ou er livrey m’annym veih diunid ny hoaie.

Psalmyn 95:4

Ayns y laue echeysyn ta ooilley corneilyn y thallooin: as niart ny croink she leshyn eh myrgeddin.

Isaiah 26:19

Bee dty gheiney marroo bio, marish my chorp’s marroo nee ad girree: Dooisht-jee, as gow-jee arrane, shiuish ta cummal ’sy joan: son ta dty ghruight myr druight lossreeyn, as nee yn ooir gymmyrkey magh ny merriu.

Isaiah 38:17

Cur-my-ner, ayns ynnyd shee, va mee ayns diunid sproght; agh t’ou uss, O Hiarn, jeh dty ghraih er hayrn my annym veih’n ooig dy loauid: son t’ou er hilgey ooilley my pheccaghyn er cheu dty chooylloo.

Jonah 2:6

Hie mee sheese choud’s undin ny sleityn; bee yn thalloo as ny barryn eck mygeayrt-y-moom dy bragh, mannagh jean oo my vioys y livrey veih toyrt-mow, O Hiarn my Yee.

Noo Mark 15:34

As ec yn nuyoo oor deïe Yeesey lesh ard-choraa, gra, Eloi, Eloi, lama sabachthani? ta shen dy ghra ’sy ghlare ainyn, My Yee, My Yee, cre’n-fa t’ou er my hreigeil?

Jannoo 2:24

Eshyn ta Jee er hroggal seose reesht veih ny merriu, liorish feaysley geulaghyn e vaaish: son nagh row eh ayns pooar y vaaish dy chummal fo eh.

Ephesianee 4:9

(Nish, dy jagh eh seose, cre te agh dy jagh eh myrgeddin sheese hoshiaght gys ayrnyn s’injilley ny hooirey?

Ashlish 7:14

As dooyrt mee rish, Ayd’s ta fys, my Hiarn. As dooyrt eh rhym, Shoh adsyn haink ass seaghyn mooar, as t’er niee nyn goamraghyn, as er ghiallaghey ad liorish fuill yn Eayn.

1 Samuel 2:6

Veih’n Chiarn ta baase as bioys: t’eh coyrt lesh sheese gys yn oaie, as troggal seose.