Psalmyn 71:2 - Yn Vible Casherick 1775 1819

² Bee oo my chummal lajer, huggey oddym’s kinjagh goll son sauchys: t’ou er yialdyn dy chooney lhiam; son oo thie m’endeilys as my chashtal.

Lioar ny Psalmyn 1765 (Pointed)

² Bee oo my chummal lajer, huggey oddyms kinjagh goll son sauchys: t’ow er yialldyn dy chooney lhiam; son oo thie m’endeilys as my chastall.

Psalmyn 71:2 ပူးပေါင်းရင်းမြစ်များ

Psalmyn 143:1

Eaisht rish my phadjer, O Hiarn, as cur geill da my yeearree: cur clashtyn dou er graih dty ynrickys as dty chairys;

Psalmyn 143:11

Niartee mee, O Hiarn, er graih dt’Ennym: as er graih dty ynrickys, jean m’annym y reaghey ass seaghyn.

Psalmyn 17:2

Lhig da’n vriwnys aym’s cheet magh veih dt’enish: as lhig da dty hooillyn jeeaghyn er shen ny ta cairal.

Psalmyn 17:6

Ta mee er n’eamagh ort, O Yee, son nee oo m’y chlashtyn: croym dty chleaysh hym, as eaisht rish my ghoan.

Psalmyn 31:1

Aynyd’s, O Hiarn, ta mee er choyrt my hreishteil: ny lhig dou dy bragh v’er my choyrt gys nearey; livrey mee ayns dty chairys.

Psalmyn 31:2

Croym sheese dty chleaysh hym: jean siyr dy my livrey.

Psalmyn 34:15

Ta sooillyn y Chiarn harrish y sleih cairal: as ta ny cleayshyn echey foshlit gys nyn badjeryn.

Psalmyn 43:1

Cur briwnys er my heu, O Yee, as jean my chooish y endeil noi’n sleih mee-chrauee: O jean m’y livrey veih’n dooinney molteyragh as olkyssagh.

Daniel 9:16

O Hiarn, cordail rish ooilley dty ynrickys, ta mee guee ort, lhig da dty chorree, as dty yymmoose va er ny chastey veih dty ard-valley Jerusalem, dty lieau casherick: son kyndagh rish nyn beccaghyn hene, as drogh-yannoo nyn ayraghyn, ta Jerusalem, as dty phobble, er jeet dy ve an-ghoo dauesyn ooilley ta mygeayrt-y-mooin.

1 Corinthianee 10:13

Cha vel miolagh erbee er jeet nyn raad, agh lheid as ta cadjin da dooinney: agh ta Jee firrinagh, nagh lhig diuish dy ve er nyn miolaghey erskyn ny oddys shiu y ymmyrkey; agh nee eh myrgeddin lesh y violagh raad y yannoo dy scapail, dy vod niart y ve ayndiu dy ymmyrkey eh.