Psalmyn 71:19 - Yn Vible Casherick 1775 1819

¹⁹ T’ou er chur lhiat mee gys onnor: as er my gherjaghey er dy chooilley heu;

Lioar ny Psalmyn 1765 (Pointed)

¹⁹ T’ow er chur lhiat mee gys onnor: as er my gherjaghey er dy-chooilley cheu;

Psalmyn 71:19 ပူးပေါင်းရင်းမြစ်များ

Lioar Yob 5:9

Ta jannoo reddyn mooarey, as erskyn nyn dushtey; reddyn yindyssagh erskyn earroo:

Psalmyn 139:6

C’raad eisht nee’m chea veih dty Spyrryd: ny c’raad nee’m cosney veih dt’enish?

Psalmyn 35:10

Nee ooilley my chraueyn gra, Hiarn, quoi ta casley rhyt’s, ta livrey yn boght veihsyn ta ro hrean da: dy jarroo yn boght, as eshyn ta ayns treihys, veihsyn ta dy spooilley eh?

Psalmyn 36:7

Coadee uss, Hiarn, chammah dooinney as baagh; Cre cha ooasle ta dty vyghin, O Yee: as ver cloan gheiney nyn marrant fo scaa dty skianyn.

Psalmyn 57:10

Ver-ym booise dhyt’s, O Hiarn mastey’n pobble: as goym arrane hood’s mastey ny ashoonyn;

Psalmyn 72:18

Bannit dy row yn Chiarn Jee, dy jarroo yn Jee dy Israel: ta ny-lomarcan jannoo reddyn yindyssagh.

Psalmyn 86:8

Mastey ny Jeeghyn cha vel unnane erbee casley rhyt’s, O Hiarn: cha vel unnane oddys jannoo myr t’ou uss dy yannoo.

Exodus 15:11

Quoi ta casley rhyt’s, O Hiarn, mastey ny jeeghyn! quoi ta casley rhyt, gloyroil ayns casherickys, ta moylley cair dhyt lesh arrym, uss ta gobbraghey mirrilyn?

Raaghyn Creeney 15:24

Ta’n dooinney creeney goll seose ayns raad-mooar y vea, as t’eh shaghney niurin heese.

Raaghyn Creeney 24:7

Ta creenaght erskyn roshtyn ommydan; cha vel eh fosley e veeal ’sy whaiyl.

Isaiah 40:18

Quoi rish eisht nee shiu Jee y hoylaghey, ny cre’n caslys ver shiu da?

Isaiah 40:25

Quoi rish eisht nee shiu m’y hoylaghey? ny quoi rish nee shiu m’y chormal? ta’n Jee casherick dy ghra.

Isaiah 5:16

Agh bee Chiarn ny flaunyssee er ny ooashlaghey ayns briwnys, as bee yn Jee casherick er ny chasherickey ayns cairys.

Isaiah 55:9

Son myr ta ny niaughyn ny syrjey na yn thalloo, myr shen ta ny raaidyn aym’s ny syrjey na ny raaidyn euish, as ny smooinaghtyn aym’s erskyn ny smooinaghtyn euish.

Jeremiah 10:7

Quoi nagh goghe aggle royd’s, O ree ny ashoonyn? son dhyt’s te cair: son wheesh as mastey ooilley deiney creeney ny ashoonyn, as ayns ooilley nyn reeriaghtyn, cha vel unnane erbee goll rhyt’s.

Noo Luke 1:49

Son s’mooar ta’n Ooilley-niartal er n’yannoo er my hon, as s’casherick ta e ennym.

Deuteronomy 3:24

O Hiarn Yee, t’ou er n’yannoo toshiaght dy hoilshaghey da dty harvaant dty phooar, as dty laue niartal: son quoi’n Jee, edyr ayns niau ny er y thalloo, oddys jannoo cordail rish dty obbraghyn, as cordail rish dty niart?