Psalmyn 7:9 - Yn Vible Casherick 1775 1819

⁹ O lhig da olkys ny mee-chrauee cheet gys jerrey: agh jean uss yn sleih ynrick y leeideil.

Lioar ny Psalmyn 1765 (Pointed)

⁹ O lhig da olkys ny mee-chrauee cheet gys jerrey: agh jean uss yn sleih ynrick y leeideil.

Psalmyn 7:9 ပူးပေါင်းရင်းမြစ်များ

Genesis 20:5

Nagh dooyrt eshyn rhym; She my huyr ee? as dooyrt ish, dy jarroo ee-hene, She my vraar eh: ayns ônid my chree, as gyn-loghtynid my laueyn, ta mee er n’yannoo shoh.

1 Reeaghyn 8:32

Eisht jean uss clashtyn ayns niau, as cooilleen, as briwnys dty harvaantyn, deyrey yn mee-chrauee, dy choyrt e hoilchin er e chione hene; as seyrey yn dooinney cairagh, dy chooilleeney eh cordail rish e ynrickys.

1 Recortyssyn 28:9

As uss Solomon, my vac, toig aigney Yee dty ayrey, as jean eh y hirveish lesh cree firrinagh, as lesh aigney arryltagh: son ta’n Chiarn ronsaghey magh dy chooilley chree, as toiggal ooilley ny smooinaghtyn t’ayndoo. My t’ou dy hirrey eh, bee eh er ny gheddyn liort; agh my hreigys oo eh, nee eh dty hreigeil son dy bragh.

Psalmyn 10:15

Shickyr t’ou er vakin eh: son t’ou goaill tastey jeh mee-chraueeaght as aggair.

Psalmyn 10:18

Ta’n Chiarn ny Ree son dy bragh as dy bragh: as ta ny ashoonyn er jerraghtyn ass y cheer.

Psalmyn 11:5

Ta ny sooillyn echey goaill tastey jeh’n voght: as ferroogh e hooillyn prowal cloan gheiney.

Psalmyn 139:1

O Hiarn, t’ou er my ronsaghey magh, as er my hoiggal: shione dhyt’s my hoie-sheese, as my irree-seose; t’ou toiggal my smooinaghtyn foddey ro-laue.

Psalmyn 17:3

T’ou er phrowal as er ronsaghey my chree ayns imbagh ny hoie; t’ou er my hirrey magh as cha vow veg yn olkys aynym: son ta mee dy slane kiarit nagh jean-ym foill lesh my hengey.

Psalmyn 18:21

Son dy vel mee er vreayll raaidyn y Chiarn: as nagh vel mee er hreigeil my Yee, myr ta ny mee-chrauee dy yannoo.

Psalmyn 26:2

Feysht mee, O Hiarn, as prow mee: ronsee my veeghyn as my chree.

Psalmyn 35:23

Dooisht, as shass seose dy vriwnys my phlaiynt: jean cairys ayns my chooish, my Yee, as my Hiarn.

Psalmyn 37:23

Ta’n Chiarn goardrail kesmadyn y dooinney mie: as jannoo e raad booisal da hene.

Psalmyn 40:2

Hug eh lesh mee neesht magh ass y lhag atchimagh, magh ass y laagh as y chray: as hoie eh my chassyn er y chreg, as ren eh my immeeaght y oardrail.

Psalmyn 43:1

Cur briwnys er my heu, O Yee, as jean my chooish y endeil noi’n sleih mee-chrauee: O jean m’y livrey veih’n dooinney molteyragh as olkyssagh.

Psalmyn 44:21

My ta shin er yarrood ennym y Jee ain, as er chummal seose nyn laueyn gys Jee erbee joarree: nagh jean Jee eh y ronsaghey magh? son ta fys echey er eer folliaghtyn y chree.

Psalmyn 58:6

Brish ny feeacklyn oc, O Yee, ayns nyn meeal; bwoaill craueyn-keeill ny lionyn, O Hiarn: lhig daue tuittym ersooyl myr ushtey ta roie dy tappee; as tra t’ad lhiggey nyn sideyn, lhig daue ve astyrit ass ny fraueyn.

Psalmyn 9:9

Bee yn Chiarn neesht fendeilys dauesyn ta tranlaasit: dy jarroo kemmyrk ayns y traa cooie dy heaghyn.

Psalmyn 96:10

Insh-jee mastey ny ashoonyn, dy nee yn Chiarn y Ree: as dy nee eshyn eh t’er n’yannoo yn seihll runt cha shickyr nagh vod eh ve er ny scughey, as kys dy jean eh yn pobble y vriwnys dy cairagh.

Psalmyn 96:13

Son t’eh cheet, t’eh cheet dy vriwnys y thalloo: as lesh cairys dy vriwnys y seihll, as y pobble lesh e ynrickys.

Psalmyn 98:9

Lhig da ny thooillaghyn nyn massyn y woalley, as lhig da ny croink ve gennal cooidjagh kiongoyrt rish y Chiarn: son t’eh cheet dy vriwnys y thalloo.

Jeremiah 11:20

Agh, O Hiarn ny sheshaghtyn flaunyssagh, ta cur briwnys cairagh, ta prowal ny meeghyn as y cree, lhig dou fakin dty cherraghey orroo; son hood’s ta mee er hoilshaghey my chooish.

Jeremiah 17:10

Ta mish y Chiarn ronsaghey yn cree, ta mee prowal ny meeghyn, eer dy chooilleeney da dy chooilley ghooinney corrym rish e raaidyn, as cordail rish mess e obbraghyn.

Jeremiah 20:12

Agh, O Hiarn ny sheshaghtyn flaunyssagh, ta prowal yn vooinjer chairal, as cur-my-ner ny meeghyn as y cree, lhig dou fakin dty cherraghey trome orroo: son hood’s ta mee er n’osley my chooish.

Daniel 11:45

As troggee eh cabbaneyn e champ eddyr ny faarkaghyn, er y clieau gloyroil casherick; ny-yeih hig jerrey er, as cha jean fer erbee cooney lesh.

Jannoo 12:23

As chelleeragh woaill ainle y Chiarn eh, er-yn-oyr nagh dug eh yn gloyr da Jee: as v’eh eeit ec ny crooagyn, as shen myr hooar eh baase.

Romanee 16:25

Nish dasyn ta pooaral dy niartaghey shiu cordail rish yn sushtal aym’s, as preacheil Yeesey Creest, (cordail rish soilshaghey yn folliaght, v’er ny cheiltyn er dy hoshiaght y theihll,

1 Thessalonianee 3:13

Gys y jerrey dy vod eh niartaghey ny creeaghyn eu gyn-loght ayns casherickys kionfenish Jee, dy jarroo nyn Ayr, ec cheet nyn Jiarn Yeesey Creest, marish ooilley e nooghyn.

1 Peddyr 5:10

Agh dy jean y Jee jeh dy chooilley ghrayse, ta er n’eamagh orrin gys e ghloyr dy bragh farraghtyn liorish Creest Yeesey, lurg diu ve er hurranse tammylt beg, dy jean eh shiu y yannoo dy firrinagh mie, dy jean eh shiu y chummal seose, y niartaghey, as y hickyraghey.

Jude 1:1

Jude sharvaant Yeesey Creest, as braar Yamys, hucsyn ta er nyn gasherickey liorish Jee yn Ayr, as er nyn goadey ayns Yeesey Creest, as er nyn eam:

Ashlish 2:23

As stroie-ym yn chloan eck lesh baase; as bee fys ec ooilley ny kialteenyn dy nee mish eh ta ronsaghey ny meeaghyn as y cree: as ver-yms da dagh unnane eu cordail rish nyn obbraghyn.

1 Samuel 16:7

Agh dooyrt y Chiarn rish Samuel, Ny jeeagh er e eddin, ny cre cha thollee t’eh; son dy vel mee er n’obbal eh; son cha vel y Chiarn fakin, myr ta dooinney fakin; son ta dooinney briwnys cordail rish ny t’eh fakin, agh ta’n Chiarn fakin y cree.

1 Samuel 2:9

Nee eh coadey cassyn e nooghyn, as bee ny mee-chrauee nyn dhost ayns dorraghys; son liorish niart cha vow dooinney erbee yn varriaght.