Psalmyn 7:8 - Yn Vible Casherick 1775 1819

⁸ Nee’n Chiarn yn pobble y vriwnys; cur briwnys lhiam, O Hiarn: lurg my ynrickys, as cordail rish y neu-loghtynid t’aynym.

Lioar ny Psalmyn 1765 (Pointed)

⁸ Nee’n Chiarn yn pobble y vriwnys; cur briwnys lhiam, O Hiarn: lurg my ynrickys, as cordail rish y neu-loghtynid t’ayn-ym.

Psalmyn 7:8 ပူးပေါင်းရင်းမြစ်များ

Genesis 18:25

Shen dy row foddey voïd, dy yannoo myr shoh, dy stroie yn vooinjer cairal marish ny mee-chrauee: as dy bee yn vooinjer cairal myr ny mee-chrauee, dy row shen foddey voïd: nagh jean briw yn seihll ooilley cairys y yannoo?

Genesis 31:53

Dy jean Jee Abraham as Jee Nahor, Jee nyn ayrey, briwnys eddyr shin. As loo Jacob liorish aggle e ayr Isaac.

2 Recortyssyn 20:12

O nyn Yee, nagh jean oo ad y vriwnys? son s’beg ta’n niart ainyn noi’n cheshaght vooar shoh ta cheet orrin: chamoo ta fys ain cre nee mayd, agh ort’s ta nyn sooillyn.

Psalmyn 11:4

Ta’n Chiarn ayns e hiamble casherick: ta stoyl-reeoil y Chiarn ayns niau.

Psalmyn 25:21

Livrey Israel, O Yee: veih ooilley e heaghyn.

Psalmyn 26:1

Bee uss my vriw, O Hiarn, son ta mee er n’ymmyrkey mee hene gyn loght: ta my varrant neesht er ny ve er y Chiarn, er-y-fa shen cha duittym.

Psalmyn 26:11

Agh er my hon’s, nee’m gimmeeaght gyn loght: O livrey mee, as bee myghinagh dou.

Psalmyn 41:12

As tra ta mee ec my lhaynt, t’ou dy my chummal seose: as nee oo m’y hoiaghey kiongoyrt rish dt’eddin er son dy bragh.

Psalmyn 43:1

Cur briwnys er my heu, O Yee, as jean my chooish y endeil noi’n sleih mee-chrauee: O jean m’y livrey veih’n dooinney molteyragh as olkyssagh.

Psalmyn 78:72

Myr v’eh geiyrt er ny kirree trome lesh eayin, ghow eshyn eh: dy voddagh eh bochillaght Jacob e phobble, as Israel e eiraght.

Psalmyn 82:1

Ta Jee shassoo ayns chaglym-cooidjagh ny princeyn: t’eshyn briw mastey Jeeghyn.

Psalmyn 9:8

Son nee eh yn seihll y vriwnys ayns cairys: as shirveish briwnys firrinagh er y pobble.

Psalmyn 96:13

Son t’eh cheet, t’eh cheet dy vriwnys y thalloo: as lesh cairys dy vriwnys y seihll, as y pobble lesh e ynrickys.

Psalmyn 98:9

Lhig da ny thooillaghyn nyn massyn y woalley, as lhig da ny croink ve gennal cooidjagh kiongoyrt rish y Chiarn: son t’eh cheet dy vriwnys y thalloo.

Raaghyn Creeney 19:1

Ny share ta’n boght ta gimmeeaght ayns e ynrickys, na eh ta camlaagagh ayns e veillyn, as ny ommydan.

Jannoo 17:31

Er-yn-oyr dy vel eh er n’oardaghey laa ry-hoi yn seihll y vriwnys ayns cairys, liorish y dooinney shen t’eh er phointeil; as jeh shoh t’eh er chur shickyrys da dy chooilley ghooinney, ayns dy vel eh er hroggal eshyn veih ny merriu.

2 Corinthianee 1:12

Son shoh nyn moggey, feanish nyn gooinsheanse, ayns ônid, as ynrickys crauee, cha nee lesh creenaght seihltagh, agh liorish grayse Yee, dy vel shin er n’ymmyrkey shin hene ’sy theihll, as foddey smoo ny mast’ euish.

1 Thessalonianee 2:10

Ta shiuish feanishyn, as Jee myrgeddin, cre cha crauee as ynrick, as gyn loght dymmyrk shin shin-hene nyn mast’ euish ta credjal: