Psalmyn 7:6 - Yn Vible Casherick 1775 1819

⁶ Irree, O Hiarn, ayns dty chorree, as trog oo hene seose, kyndagh rish farg my noidyn: shass er my hon ayns y vriwnys t’ou er harey.

Lioar ny Psalmyn 1765 (Pointed)

⁶ Irree, O Hiarn, ayns dty chorree, as trogg oo hene seose, kyndagh rish farg my noidyn: shass er my hon ayns y vriwnys t’ow er haarey.

Psalmyn 7:6 ပူးပေါင်းရင်းမြစ်များ

2 Samuel 17:14

As dooyrt Absalom as ooilley deiney Israel, Ta coyrle Hushai yn Archite ny share na coyrle Ahitophel. Son veih’n Chiarn ve, dy chastey coyrle chreeney Ahitophel, dy chooilleeney er Absalom yn olk va’n Chiarn er chiarail n’oï.

Psalmyn 103:6

Ta’n Chiarn cooilleeney cairys as briwnys: er nyn son ocsyn ooilley ta tranlaasit lesh aggair.

Psalmyn 12:5

Nish er graih seaghyn vee-gherjoil ny ymmyrchee: as er son osnaghyn tromey ny boghtyn;

Psalmyn 138:7

Ga dy vel mee shooyl ayns mean seaghyn, ny-yeih nee oo m’y ooraghey: sheeynee oo magh dty laue er eulys my noidyn, as nee dty laue yesh mish y hauail.

Psalmyn 143:3

Son ta’n noid er n’yannoo tranlaase er m’annym; t’eh er woalley sheese my vioys gys y thalloo: t’eh er m’eiyrt gys y dorraghys, goll roosyn ta er ve foddey marroo.

Psalmyn 3:7

Seose, Hiarn, as cooin lhiam, O my Yee: son t’ou bwoalley ooilley my noidyn er craue ny keeill; t’ou er vrishey feeacklyn ny mee-chrauee.

Psalmyn 35:1

Gow my chooish ayns laue, O Hiarn, roosyn ta streeu rhym: as jean uss caggey noi ocsyn ta caggey m’oï.

Psalmyn 35:23

Dooisht, as shass seose dy vriwnys my phlaiynt: jean cairys ayns my chooish, my Yee, as my Hiarn.

Psalmyn 44:23

Seose, Hiarn, cre’n-fa t’ou cadley: dooisht, as ny fuirree voïn er son dy bragh.

Psalmyn 44:26

Irree as cooin lhien: as livrey shin er graih dty vyghinyn.

Psalmyn 59:5

Shass seose, O Hiarn Yee dy heshaght-chaggee flaunys, uss Yee Israel, dy ghoaill kerraghey er ooilley ny ashoonyn: as ny bee myghinagh dauesyn ta ass olkys goanlyssagh jannoo aggair.

Psalmyn 73:20

Shoh myr va my chree seaghnit: as hie eh eer trooid my veeghyn.

Psalmyn 74:3

Smooinee er sheeloghe dty eiraght: as er cronk Sion, ayn t’ou er chummal.

Psalmyn 78:65

Va ny saggyrtyn oc er nyn stroie lesh y chliwe: as cha row mraane-treoghe erbee dy yannoo dobberan.

Isaiah 3:13

Ta’n Chiarn troggal er dy phleadeil, as t’eh shassoo seose dy vriwnys yn pobble.

Isaiah 33:10

Nish nee’m girree, ta’n Chiarn dy ghra; nish bee’m er my yrjaghey; nish neem’s mee hene y hroggal seose.

Isaiah 37:20

Nish er-y-fa shen, O Hiarn nyn Yee, saue shin veih’n laue echey, dy vod ooilley reeriaghtyn ny hooirey toiggal dy nee uss y Chiarn, eer uss dty-lomarcan.

Isaiah 51:9

Trog ort, trog ort, coamree oo hene lesh niart, O roih’n Chiarn; trog ort, myr ayns ny shenn laghyn, ayns ny sheelogheyn t’er n’gholl shaghey. Nagh nee uss eh t’er chraghey Rahab, as er lhottey yn dragon?