Psalmyn 7:16 - Yn Vible Casherick 1775 1819

¹⁶ T’eh er vosley as er chleiy ooig: as t’eh hene er duittym ayns y ribbey v’eh kiarail da fer elley.

Lioar ny Psalmyn 1765 (Pointed)

¹⁶ T’eh er vosley as er chleï ooig: as t’eh hene er duittym ayns y ribbeh v’eh kiarail da fer elley.

Psalmyn 7:16 ပူးပေါင်းရင်းမြစ်များ

1 Reeaghyn 2:32

As nee’n Chiarn chyndaa yn uill echey er e chione hene, ren tuittym er daa ghooinney ny s’ynrick as ny share na eh-hene, as varr eh ad lesh y chliwe, gyn-yss da my ayr David, ta shen dy ghra, Abner mac Ner, captan sheshaght-caggee Israel, as Amasa mac Jether, captan sheshaght-caggee Yudah.

1 Reeaghyn 21:19

As nee uss loayrt rish, gra, Shoh myr ta’n Chiarn dy ghra, Vel oo er varroo, as myrgeddin er ghoaill possession? As nee uss loayrt rish, gra, Shoh myr ta’n Chiarn dy ghra, Ayns yn ynnyd raad ren moddee sliee fuill Naboth, nee moddee sliee yn uill ayd’s, eer dty uill’s.

Esther 7:10

Myr shen hrogh ad Haman er y chriy, v’eh er chiarail son Mordecai. Eisht va jymmoose y ree er ny veeinaghey.

Esther 9:25

Agh tra haink Esther fenish y ree, doardee eh liorish screeunyn, dy beagh yn olk v’eh er chiarail noi ny Hewnyn chyndaït er e chione hene, as dy beagh eh-hene as e vec croghit er y chriy.

Lioar Yob 4:8

Eer myr ta mee er vakin, dy vel adsyn ta traaue mee-chairys, as cuirr olkys, buinn y lheid cheddin.

Psalmyn 141:10

Freill mee veih’n ribbey t’ad er hoiaghey er my hon: as voish geulaghyn ny drogh-yantee.

Psalmyn 35:8

Hig toyrt-mow doaltattym ersyn gyn-yss, as nee’n ribbey t’eh er hoiaghey dy follit eh-hene y hayrtyn: dy vod eh tuittym ayns yn olkys echey hene.

Psalmyn 36:12

Shen y raad t’ad er duittym, ooilley ny ta gobbraghey mee-chairys: t’ad er nyn dilgey sheese, as cha bee bree ayndoo dy hassoo.

Psalmyn 36:4

T’eh smooinaghtyn er olk er e lhiabbee, as cha vel eh er hoiaghey eh-hene ayns raad mie erbee: chamoo t’eh cur dwoaie da’n red ta olk.

Psalmyn 57:7

T’ad er hoiaghey lieen son my chassyn, as er hionney sheese m’annym: t’ad er chleiy jeeg roym as ad-hene er duittym ayns y vean echey.

Psalmyn 9:16

Ta fys ain dy vel y Chiarn cooilleeney briwnys: ta’n mee-chrauee er ny chassey ayns obbyr e laueyn hene.

Raaghyn Creeney 1:19

Lheid shoh ta raaidyn dagh unnane ta sondagh er cosney, ta goaill ersooyl bioys y vooinjer s’liesh eh.

Raaghyn Creeney 26:27

Quoi-erbee chleiys ooig, nee eh tuittym ayn: as eshyn rowlys clagh noi’n ughtagh, chyndaa-ee eh back er hene.

Ecclesiastes 10:8

Eshyn chleiy-ys ooig, tuittee eh-hene ayn; as eshyn lhieggys cleiy, nee ard-nieu eh y lhottey.

1 Samuel 23:9

As va fys ec David dy row Saul dy follit kiarail olk n’oï; as dooyrt eh rish Abiathar y saggyrt, Cur lhiat gys shoh yn ephod.

1 Samuel 26:10

Dooyrt David ny-sodjey, Myr ta’n Chiarn bio, nee’n Chiarn eh y woalley; ny hig laa e vaaish er; er-nonney hed eh sheese gys caggey, as cherraghtyn ayns shen.

1 Samuel 28:19

Nee’n Chiarn myrgeddin Israel as oo-hene y livrey gys laue ny Philistinee: as mairagh bee uss as dty vec mârym’s: nee’n Chiarn myrgeddin sheshaght-caggee Israel y livrey gys laue ny Philistinee.