Psalmyn 7:13 - Yn Vible Casherick 1775 1819

¹³ Mannagh jean dooinney chyndaa, nee eh shleeu e chliwe: t’eh er lhoobey e vhow, as er n’yannoo eh aarloo.

Lioar ny Psalmyn 1765 (Pointed)

¹³ Mannagh jean dooinney chyndaa, nee eh shleeu e chliwe: t’eh er lhoobey e vhow, as er n’yannoo eh aarloo.

Psalmyn 7:13 ပူးပေါင်းရင်းမြစ်များ

Lioar Yob 6:4

Son ta sideyn yn Ooilley-niartal cheu-sthie jee’m, ta’n pyshoon oc soo seose my spyrryd: ta atchimyn Yee soiaghey ad-hene ayns order-caggee m’oï.

Psalmyn 11:2

Son cur-my-ner, ta ny mee-chrauee lhoobey nyn mhow, as jannoo aarloo nyn sideyn ayns y whiver: dy vod ad lhiggey gyn-yss orroosyn ta ynrick ayns cree.

Psalmyn 144:6

Tilg magh dty hendreilyn, as skeayl ad: lhig magh dty hideyn, as stroie ad.

Psalmyn 18:14

Lhig eh magh e hideyn, as skeayl eh ad: hug eh magh e hendreilyn, as ren eh stroie ad.

Psalmyn 45:5

Aïgh mie dy row lhiat lesh dty ooashley: markee er dty hoshiaght, er coontey yn goo dy firrinys, dy veenid, as dy chairys; as nee dty laue yesh reddyn atchimagh y ynsaghey dhyt.

Psalmyn 64:3

T’er shleeu nyn jengey myr cliwe: as ta lhiggey nyn sideyn, dy jarroo goan sharroo;

Psalmyn 64:7

Agh nee Jee lhiggey doaltattym orroo lesh side: dy bee ad dy leah lhottit.

Dobberan 2:4

T’eh er lhoobey e vhow myr noid, hass eh lesh e laue yesh myr dooinney-caggee, as varr eh ooilley ny va eunyssagh da’n thooill, ayns cabbane inneen Zion: t’eh er gheayrtey magh e eulys myr aile.

Habakkuk 3:11

Hass y ghrian, as yn eayst ayns nyn ynnyd: ec soilshey dty hideyn ren ad getlagh, as ec sollyssid dty shleiy soilsheanagh.

Habakkuk 3:13

Hie oo magh son saualtys dty phobble, eer son saualtys dty er-ooilit; t’ou er lhottey kione thie ny mee-chrauee, liorish rassey yn undin gys y chreg lhome. Selah.

Deuteronomy 32:23

Neem’s kerraghey er kerraghey y lhieeney orroo, nee’m my hideyn y vaarail orroo.

Deuteronomy 32:41

My ver-ym foyr er my chliwe sollys, as my nee my laue goaill greme er briwnys; goym kerraghey er my noidyn, as cooilleeney orroosyn ta dwoaie oc orrym.

Deuteronomy 32:42

Nee’m my hideyn er-meshtey lesh fuill, (as nee my chliwe feill my noidyn y stroie) as shen, lesh fuill ny merriu, as ny cappeeyn, veih toshiaght gys jerrey kerraghey er y noid.

2 Thessalonianee 1:6

Fakin dy vel eh red cairagh marish Jee dy chooilleeney seaghyn orroosyn ta jannoo tranlaase erriu;

Ashlish 16:6

Son t’ad er gheayrtey fuill nooghyn as phadeyryn, as t’ou er choyrt daue fuill dy iu; son shen t’ad dy hoilliu.

Ashlish 6:10

As deïe ad lesh ard-choraa, gra, Caïd, O Hiarn, casherick as firrinagh, nagh vel uss briwnys as goaill cooilleeney son yn uill ain er fir-vaghee yn thallooin?