Psalmyn 7:12 - Yn Vible Casherick 1775 1819

¹² Ta Jee briw cairagh, niartal as surransagh: as ta Jee er ny vrasnaghey dy chooilley laa.

Lioar ny Psalmyn 1765 (Pointed)

¹² Ta Jee briw cairagh, niartal as surransagh: as ta Jee er ny vrasnaghey dy-chooilley laa.

Psalmyn 7:12 ပူးပေါင်းရင်းမြစ်များ

Genesis 18:25

Shen dy row foddey voïd, dy yannoo myr shoh, dy stroie yn vooinjer cairal marish ny mee-chrauee: as dy bee yn vooinjer cairal myr ny mee-chrauee, dy row shen foddey voïd: nagh jean briw yn seihll ooilley cairys y yannoo?

Psalmyn 129:4

Agh ta’n Chiarn cairagh: er vrishey ribbaghyn ny mee-chrauee dy peeshyn.

Psalmyn 85:4

Chyndaa shin reesht, O Yee nyn Saualtagh: as lhig da dty chorree scuirr voïn.

Psalmyn 9:5

T’ou er choyrt oghsan da ny ashoonyn, as er stroie ny mee-chrauee: t’ou er choyrt ass yn ennym oc son dy bragh as dy bragh.

Isaiah 27:1

’Sy laa shen nee yn Chiarn, lesh e chliwe gyere, as mooar, as lajer, kerraghey leviathan, yn ard-nieu guintagh shen, eer leviathan yn ard-nieu camlaagagh shen, as marree eh yn dragon ta ’syn aarkey.

Isaiah 34:5

Son bee my chliwe shleeuit ayns niau: cur-my-ner, hig eh sheese er Idumea gys briwnys, as er y pobble ta fo my vollaght.

Ezekiel 18:30

Shen-y-fa neem’s shiuish y vriwnys, O hie Israel, dagh unnane cordail rish e raaidyn, ta’n Chiarn Jee dy ghra: gow-jee arrys, as chyndaa-jee shiu hene veih ooilley nyn ghrogh-yannoo: myr shen cha bee mee-chairys nyn doyrt-mow.

Ezekiel 21:23

As bee eh dauesyn myr faishnys foalsey ayns nyn shilley, dauesyn t’er loo breearraghtyn: agh nee eh cooinaghtyn er y vee-chairys, dy vod ad ve goit.

Ezekiel 33:11

Abbyr roo, Myr ta mee bio, ta’n Chiarn Jee dy ghra, cha vel veg y taitnys aym’s ayns baase ny mee-chrauee, agh dy jinnagh ny mee-chrauee chyndaa veih nyn raad, as ve bio: chyndaa-jee, chyndaa-jee veih nyn ghrogh raaidyn; son cre’n-fa ta shiu tayrn baase erriu hene, O hie Israel?

Noo Mian 3:10

As nish hene ta’n teigh er ny choyrt gys fraue ny biljyn: shen-y-fa ta dy chooilley villey nagh vel gymmyrkey magh mess mie, dy ve giarit sheese as tilgit ayns yn aile.

Jannoo 3:19

Gow-jee arrys er-y-fa shen, as chyndaa-jee, dy vod shiu v’er nyn ghlenney veih nyn beccaghyn, dy vod earishyn yn ooraghey cheet erriu veih fenish y Chiarn,

Deuteronomy 32:41

My ver-ym foyr er my chliwe sollys, as my nee my laue goaill greme er briwnys; goym kerraghey er my noidyn, as cooilleeney orroosyn ta dwoaie oc orrym.