Psalmyn 69:13 - Yn Vible Casherick 1775 1819

¹³ Agh, Hiarn, ta mee jannoo my phadjer hood’s: ayns traa nee oo soiaghey jeh.

Lioar ny Psalmyn 1765 (Pointed)

¹³ Agh, Hiarn, ta mee jannoo my phadjer hoods: ayns traa nee oo soiaghey jeh.

Psalmyn 69:13 ပူးပေါင်းရင်းမြစ်များ

Genesis 24:27

As dooyrt eh, Bannit dy row Chiarn Jee my vainshtyr Abraham; nagh vel er vreayll e vyghin as e ynrickys veih my vainshtyr: son va mee er y raad, as ren y Chiarn mee ’leeideil gys thie braaraghyn my vainshtyr.

Esther 5:2

As ve myr shen, tra honnick y ree Esther yn ven-reïn shassoo ayns y chooyrt, dy dooar ee foayr ayns e hilley: as heeyn y ree magh da Esther yn lorg airh reeoil v’ayns e laue: myr shen hayrn Esther er-gerrey, as venn ee rish kione y lorg-reeoil.

Esther 5:6

As dooyrt y ree rish Esther, ec y yien-feeyney, Cre ta dty accan? as bee eh giallit dhyt: as cre ta dty yeearree? gys eer y derrey lieh jeh’n reeriaght, vees eh cooilleenit.

Esther 7:2

As dooyrt y ree reesht rish Esther er y nah laa, ec y yien-feeyney, Cre ta dty yeearree, ven-reïn Esther? as bee eh ayd: as cre ta dty aghin? as bee eh cooilleenit gys eer yn derrey lieh jeh’n reeriaght.

Psalmyn 32:6

Dooyrt mee, Nee’m goaill-rish my pheccaghyn gys y Chiarn: as myr shen ren uss olkys my pheccah y leih dou.

Psalmyn 51:1

Jean myghin orrym, O Yee, lurg dty vieys vooar: cordail rish ymmodee dty vyghinyn cur ersooyl my loghtyn.

Psalmyn 91:15

Nee eh geamagh orrym, as ver-ym clashtyn da: dy jarroo, ta mee mârish ayns seaghyn; livrey-ym eh, as ver-ym lhiam eh gys onnor.

Psalmyn 98:3

Ta’n Chiarn er hoilshaghey e haualtys: e chairys t’eh er hoiaghey magh dy foshlit ayns shilley ny ashoonyn.

Isaiah 49:8

Myr shoh ta’n Chiarn gra, Ayns traa cooie ta mee er dty chlashtyn, as ayns laa yn taualtys ta mee er chooney lhiat: as nee’m oo y choadey, as ver-ym oo son conaant da’n pobble, dy chur shee da’n thalloo, dy chur cummaltee reesht ayns ny eiraghyn treigit:

Isaiah 55:6

Shir-jee gys y Chiarn choud’s t’eh ry-gheddyn, eam-jee ersyn choud’s t’eh er-gerrey.

Dobberan 3:63

Cur-my-ner yn soie-sheese as yn irree-seose oc, t’ad jannoo mish nyn ronneeaght.

Micah 7:20

Nee oo yn ynrickys y hoilshaghey da Jacob, as y vyghin da Abraham, t’ou, er vreearrey da nyn ayraghyn er-dy laghyn yn chenn earish.

Noo Luke 1:72

Dy chooilleeney yn vyghin va giallit da ny ayraghyn ain, as dy chooinaghtyn er e chonaant casherick:

Noo Luke 22:44

As v’eh ayns angaish vooar, as ghow eh padjer ny s’jeeaney: as va’n ollish echey myr bineyn mooarey folley tuittym gys y thalloo.

2 Corinthianee 6:2

(Son t’eh gra, Ta mee er dty chlashtyn ayns earish ghraysoil, as ayns laa yn taualtys ta mee er choyrt couyr dhyt: cur-my-ner, nish ta’n earish ghraysoil ayn; jeeagh, nish ta’n laa dy haualtys.)

Hebrewnee 5:7

Ayns laghyn e ghooghys-foalley, tra v’eh er hebbal padjeryn as aghinyn, lesh eam jeean as jeïr, huggeysyn va pooaral dy hauail eh veih baase, as v’eh er ny livrey veih shen ny ghow eh aggle [crauee] roish;

1 Peddyr 2:23

Tra v’eh oltooanit, cha doltooan eh reesht: tra v’eh fo surranse, cha ren eh baggyrt; agh ren eh eh-hene y hymney huggeysyn ta briwnys dy cairagh:

1 Samuel 25:8

Fênee jeh dty gheiney aegey, as inshee ad dhyt. Shen-y-fa lhig da ny deiney aegey aym’s foayr ’gheddyn ayns dty hilley; (son ta shin er jeet er laa mie;) cur, ta mee guee ort, da dty harvaantyn, as da dty vac David, ayrn jeh ny ta fo dty laue.