Eisht nee’m Israel y yiarey magh veih’n cheer ta mee er chur daue: as y thie shoh ta mee er chasherickey son my ennym, scugh-ym ass my hilley; as hig Israel dy ve son craid as an-ghoo mastey dy chooilley phobble:
Ec y traa cheddin loayr y Chiarn liorish Isaiah, mac Amoz, gra, Immee, as feayshil yn aanrit-sack jeh dty veeghyn, as cur jeed dty vraagyn. As ren eh myr shen, shooyl rooisht as cass rooisht.
As livrey-ym seose ad dy v’er nyn skeayley gys ooilley reeriaghtyn y thallooin, son nyn assee, dy ve son oltooan, as an-ghoo, as flout, as mollaght, dy chooilley raad nee’m geiyrt ad.
Trog-jee erriu, as keayn-jee, shiuish haggyrtyn: yllee-jee shiuish shirveishee yn altar: tar-jee, lhie-jee fud-ny-hoie ayns aanrit-sack, shiuish shirveishee yn Jee aym’s: son ta’n oural-arran, as yn oural-jough er ny lhiettal voish thie yn Jee eu.