Psalmyn 69:1 - Yn Vible Casherick 1775 1819

¹ Saue mee, O Yee: son ta ny ushtaghyn er jeet stiagh, dy jarroo gys m’annym.

Lioar ny Psalmyn 1765 (Pointed)

¹ Saue mee, O Yee: son ta ny ushtaghyn er jeet stiagh, dy-jarroo gys m’annym.

Psalmyn 69:1 ပူးပေါင်းရင်းမြစ်များ

Lioar Yob 22:11

Ny dorraghys, nagh vod oo fakin; as ta thooillaghyn ushtey dy dty choodaghey.

Psalmyn 18:4

Haink pianyn niurin mygeayrt-y-moom: ren ribbaghyn y vaaish berraghtyn orrym.

Psalmyn 32:6

Dooyrt mee, Nee’m goaill-rish my pheccaghyn gys y Chiarn: as myr shen ren uss olkys my pheccah y leih dou.

Psalmyn 42:7

Cur dty hreishteil ayns Jee: son ver-yms foast booise da son cooney e eddin.

Psalmyn 45:1

Ta my chree smooinaghtyn dy dowin er cooish vie: ta mee goaill lesh bingys ny arraneyn ta mee er n’yannoo mychione y ree.

Psalmyn 60:1

O Yee t’ou er hilgey shin magh, as er skeayley shin dy lhean: t’ou myrgeddin er ve jymmoosagh rooin; O chyndaa hooinyn reesht.

Psalmyn 69:2

Ta mee cummit shickyr ayns y laagh dowin, raad nagh vel grunt erbee: ta mee er jeet ayns ushtaghyn dowiney, myr shen dy vel ny thooillaghyn roie harrym.

Psalmyn 80:1

Clasht, O uss vochilley Israel, uss ta leeideil Joseph myr keyrrey: soilshee oo hene myrgeddin, uss ta dty hoie er ny cherubim.

Isaiah 28:17

Briwnys myrgeddin neem’s layal gys y line, as cairys gys y level; as nee’n sniaghtey-garroo sheebey ersooyl kemmyrk ny breagyn, as nee ny ushtaghyn lhieeney harrish ny cooillyn folliaght.

Isaiah 43:2

Tra hed oo trooid ny ushtaghyn, bee’m mayrt; as trooid ny awinyn cha jean ad thooilley ort: tra t’ou shooyl trooid yn aile cha bee oo losht; chamoo nee yn lossey brishey magh ort.

Dobberan 3:54

Ren ushtaghyn lhieeney harrish my chione, eisht dooyrt mee, Ta mee giarit jeh.

Ashlish 17:15

As dooyrt eh rhym, Ta ny ushtaghyn honnick oo, raad ta’n streebagh ny soie, pobble, as earrooyn mooarey, as ashoonyn, as glaraghyn.