Psalmyn 68:6 - Yn Vible Casherick 1775 1819

⁶ Eshyn y Jee ta cur er deiney dy ve jeh un aigney ayns thie, as ta cur lesh ny pryssoonee magh ass cappeeys: agh lhiggey da ny wagaantee tannaghtyn ayns genney.

Lioar ny Psalmyn 1765 (Pointed)

⁶ Eshyn y Jee ta cur er deiney dy ve jeh un aigney ayns thie, as ta cur lesh ny pryssoonee magh ass cappeeys: agh lhiggey da ny wagaanee tannaghtyn ayns genney.

Psalmyn 68:6 ပူးပေါင်းရင်းမြစ်များ

Psalmyn 10:14

Cre’n-fa yinnagh y dooinney olkyssagh loayrt dy mollaghtagh noi Jee: choud as t’eh gra ayns e chree, Cha vel aggle orrym, s’cummey lhiat’s, O Yee, er y hon.

Psalmyn 107:10

Lheid as ta ny hoie ayns dorraghys, as ayns scadoo yn vaaish: kianlt dy shickyr ayns treihys as geulaghyn yiarn.

Psalmyn 107:14

Hug eh lesh ad magh ass dorraghys, as scadoo yn vaaish: as vrish eh ny kianglaghyn oc veih-my-cheilley.

Psalmyn 107:34

Cheer messoil t’eh dy yannoo faase: er coontey’n drogh-yannoo ocsyn ta baghey ayn.

Psalmyn 146:7

Ta’n Chiarn coyrt feaysley da ny pryssoonee: ta’n Chiarn coyrt soilshey da ny doail.

Psalmyn 69:33

Ver y vooinjer imlee tastey da shoh, as bee ad gennal: shir-jee lurg Jee, as bee’n annym eu bio.

Raaghyn Creeney 23:11

Son ta’n fendeilagh oc niartal; gowee eh seose yn chooish oc dt’oï.

Isaiah 61:1

Ta Spyrryd y Chiarn Jee orrym; er-yn-oyr dy vel y Chiarn er m’ooilaghey dy phreacheil naightyn mie da ny imlee: t’eh er my choyrt dy lheihys ny creeaghyn brisht, dy ockley magh reamys da ny cappee, as fosley’n phryssoon da ny geuleydee;

Hosea 2:3

Er-aggle, dy der-ym ee gys nearey, cha rooisht as y laa ruggyr ee, as dy jean-ym ee myr faasagh, as myr thalloo reeastaneagh, as dy marr-ym ee lesh paays.

Malachi 1:3

Agh cha by-haittin lhiam Esau, as hug mee naardey ny sleityn echeysyn, as e eiraght son dragonyn yn aasagh.

Jannoo 16:26

As ayns y tullogh va craa mooar thallooin ayn, myr shen dy row undinyn y phryssoon er nyn graa: as chelleeragh va ooilley ny dorryssyn er nyn vosley, as geulaghyn dy chooilley unnane er nyn veaysley.

Galatianee 4:27

Son te scruit, Gow boggey, uss [ven] ghennish nagh vel gymmyrkey cloan; brish magh as eïe, uss nagh vel er-troailt: son ta foddey smoo dy chloan ecksh va treigit na t’ecksh ta sheshey eck.

Deuteronomy 10:18

T’eh goaill seose cooish y chloan gyn ayr as y ven-treoghe, as shynney lesh y joarree, ayns coyrt da beaghey as coamrey.

1 Samuel 2:5

T’adsyn va lane er vailley ad hene magh son arran; as ta ny accryssee er nyn yannoo magh: myr shen dy vel yn ven ghennish er n’ymmyrkey shiaght; as ish va ymmodee cloan eck er choayl e bree.