Psalmyn 68:5 - Yn Vible Casherick 1775 1819

⁵ Eshyn ayr yn chloan gyn ayr, ta fendeil cooish ny mraane-treoghe: dy jarroo Jee ayns e ynnyd-vaghee casherick.

Lioar ny Psalmyn 1765 (Pointed)

⁵ Eshyn Ayr yn chloan gyn ayr, ta fendeil cooish ny mraane-treoghe: dy-jarroo Jee ayns e ynnyd-vaghee casherick.

Psalmyn 68:5 ပူးပေါင်းရင်းမြစ်များ

2 Recortyssyn 30:27

Eisht hass ny saggyrtyn ny Leviteyn seose, as vannee ad y pobble: as va nyn goraa er ny chlashtyn, as hie nyn badjer seose gys ynnyd e chasherickys, eer gys niau.

2 Recortyssyn 6:2

Agh ta mish er hroggal thie er dty hon, as ynnyd son dty chummal kinjagh.

Psalmyn 10:14

Cre’n-fa yinnagh y dooinney olkyssagh loayrt dy mollaghtagh noi Jee: choud as t’eh gra ayns e chree, Cha vel aggle orrym, s’cummey lhiat’s, O Yee, er y hon.

Psalmyn 10:18

Ta’n Chiarn ny Ree son dy bragh as dy bragh: as ta ny ashoonyn er jerraghtyn ass y cheer.

Psalmyn 118:19

Foshil-jee dooys giattyn y chairys: dy voddym goll stiagh orroo, as booise y choyrt da’n Chiarn.

Psalmyn 146:9

Ta’n Chiarn coadey yn joarree, t’eh shassoo ayns lieh yn lhiannoo gyn ayr, as y ven-treoghe: agh son raad ny mee-chrauee, t’eh dy hilgey eh bun-ry-skyn.

Psalmyn 150:6

Lhig da dy chooilley nhee ta ennal ayn: moylley ’choyrt da’n Chiarn.

Psalmyn 33:14

T’eh cummey ooilley ny creeaghyn oc: as toiggal ooilley nyn obbraghyn.

Psalmyn 72:2

Eisht nee eh dty phobble y vriwnys cordail rish cairys: as nee eh ny boghtyn y endeil.

Psalmyn 72:4

Freillee eh yn vooinjer ôney ayns nyn gair: cloan y voght nee eh y endeil, as ny tranlaasee y cherraghey.

Exodus 3:15

As dooyrt Jee ny sodjey rish Moses, Er yn aght shoh nee oo loayrt rish cloan Israel, Ta’n Chiarn Jee nyn ayraghyn, Jee Abraham, Jee Isaac, as Jee Yacob, er m’y choyrt hiuish: shoh my ennym’s son dy bragh, as shoh my imraa gys dy chooilley heeloghe.

Isaiah 1:23

Ta dty phrinceyn mee-reiltagh, as sheshaghyn maarlee: ta dagh fer jeu sondagh er giootyn, as shêgin er leagh briwnys: cha vel ad briwnys son y chloan gyn ayr, chamoo ta cooish yn ven-treoghe cheet kiongoyrt roo.

Isaiah 12:4

As ayns y laa shen nee shiu gra, Moylley-jee yn Chiarn, eïe-jee er e ennym, fockle-jee magh e yannoo mastey’n pobble, jean-jee gimraa er e ennym lesh ard-voylley,

Isaiah 57:15

Son shoh myr ta’n Jee smoo ard as ooasle dy ghra, eer eshyn ta cummal ayns beaynid dy bragh farraghtyn, e ennym ta Casherick; Ta mee cummal ’syn ynnyd ard as casherick, mârishyn myrgeddin ta jeh spyrryd imlee arryssagh, dy gherjaghey spyrryd ny imlee, as dy gherjaghey cree ny accryssee.

Isaiah 66:1

Myr shoh ta’n Chiarn dy ghra, Ta niau my stoyl-reeoil, as y thalloo stoyl my choshey: c’raad ta’n thie hroggys shiu dooys? as cre raad ta ynnyd y fea aym?

Jeremiah 49:11

Faag dooys dty chloan gyn ayr, freill-yms ad bio: as lhig da dty vraane-treoghe treishteil aynym’s.

Jeremiah 5:28

T’ad er n’aase roauyr, t’ad ayns callin vie, t’ad er n’gholl erskyn eer obbraghyn smessey ny mee-chrauee; cha vel ad briwnys yn chooish, cooish y chloan gyn ayr, ny-yeih t’ad bishaghey; as cooish chair yn ymmyrchagh cha vel ad reaghey.

Hosea 14:3

Cha jean Ashur sauail shin, cha jean mayd markiaght er cabbil, chamoo jir mayd arragh rish obbyr ny laueyn ain hene, Shiuish ny jeeghyn ain: son aynyd’s ta’n chloan gyn ayr geddyn myghin.

Ephesianee 5:1

Bee-jee shiuish er-y-fa shen eiyrtyssee dy Yee, myr cloan ennoil;

Deuteronomy 10:18

T’eh goaill seose cooish y chloan gyn ayr as y ven-treoghe, as shynney lesh y joarree, ayns coyrt da beaghey as coamrey.

Deuteronomy 26:15

Jeeagh neose veih dty chummal casherick, veih niau, as bannee dty phobble Israel, as y cheer t’ou er choyrt dooin, myr t’ou er vreearrey da nyn ayraghyn: cheer ayn ta palchey bainney as mill.