Psalmyn 68:4 - Yn Vible Casherick 1775 1819

⁴ O gow-jee arrane gys Jee, as arraneyn-moyllee gys e ennym: cur-jee ard-voylley dasyn ta markiagh er ny niaughyn, myr er cabbyl; cur-jee moylley da ayns e ennym Jah, as gow-jee boggey kiongoyrt rish.

Lioar ny Psalmyn 1765 (Pointed)

⁴ O gow-jee arrane gys Jee, as arraneyn-moyllee gys e Ennym: cur-jee ard-voylley dasyn ta markiagh er ny niaughyn, myr er cabbyl; cur-jee moylley da ayns e Ennym Jah, as gow-jee boggey kiongoyrt rish.

Psalmyn 68:4 ပူးပေါင်းရင်းမြစ်များ

Psalmyn 104:3

Ta soiaghey beamyn e hiamyryn ayns ny ushtaghyn: as jannoo ny bodjallyn e ainagh, as goll er skianyn ny geayee.

Psalmyn 16:11

Son cre’n-fa? cha vaag uss m’annym ayns stayd ny merriu: chamoo lhiggys oo da dt’er-casherick hene dy akin loauys.

Psalmyn 18:10

Varkee eh er ny Cherubim, as ren eh getlagh: haink eh getlagh er skianyn ny geayee.

Psalmyn 5:12

As lhig dauesyn ooilley ta coyrt nyn dreishteil aynyd’s, boggey ’ghoaill: bee adsyn dy kinjagh coyrt booise, son dy vel oo fendeil ad; adsyn ta graihagh er dt’Ennym, vees lane dy voggey aynyd’s.

Psalmyn 66:2

Abbyr-jee rish Jee, O cre cha yindyssagh as t’ou ayns dt’obbraghyn: trooid mooadys dty phooar vees dty noidyn er nyn gheddyn nyn mreageryn ayns dty enish.

Psalmyn 66:4

O tar-jee ayns shoh, as cur-jee tastey da obbraghyn Yee: cre cha yindyssagh as t’eh ayns e yannoo gys cloan gheiney!

Psalmyn 67:4

O lhig da ny ashoonyn boggey ’ghoaill as ve gennal: son nee uss y pobble y vriwnys dy cairal, as ny ashoonyn y reill er y thalloo.

Psalmyn 68:33

Ta ny hoie ayns ny niaughyn erskyn ooilley er-dyn toshiaght: cur-my-ner, t’eh cur magh e choraa, dy jarroo, as shen coraa niartal.

Psalmyn 83:18

As bee fys oc, dy nee uss ta’n ennym ayd Jehovah: yn ynrycan Er smoo syrjey harrish ooilley yn seihll.

Psalmyn 97:11

Ta soilshey er n’irree son y vooinjer chairagh: as gennallys gherjoilagh dauesyn ta dy chree firrinagh.

Exodus 3:14

As dooyrt Jee rish Moses, TA MEE SHEN NY TA MEE: As dooyrt eshyn, shoh myr jir oo rish cloan Israel, TA MEE, eshyn ta er choyrt mish er chaghteraght hiuish.

Exodus 6:3

As hoilshee mee mee-hene da Abraham, da Isaac, as da Jacob, liorish ennym yn jee ooilley-niartal, agh liorish my ennym JEHOVAH cha row enney oc orrym.

Exodus 6:8

As ver-yms lhiam shiu stiagh gys y cheer, my-e-chione ren mee breearrey dy choyrt eh da Abraham, as da Isaac, as da Jacob: as ver-yms diuish eh son eiraght: mish y Chiarn.

Raaghyn Creeney 10:28

Bee boggey ayns treishteil y dooinney cairal: agh nee jerkal y vee-chrauee cherraghtyn.

Isaiah 19:1

Errey Egypt. Cur-my-ner, ta’n Chiarn markiagh er bodjal bieau, as hig eh gys Egypt; as bee jallooyn Egypt tilgit bun-ry-skyn ec yn enish echey, as cree Egypt nee lheïe ersooyl cheu-sthie jeh.

Isaiah 40:3

Yn coraa echeysyn ta geamagh ayns yn aasagh, Jean-jee aarloo raad y Chiarn, kiartee-jee ayns yn eaynagh raad-mooar da’n Jee ain.

Isaiah 62:10

Trooid lhieu, immee-jee trooid ny giattyn; kiartee-jee yn raad roish y pobble; tilg-jee seose, tilg-jee seose yn raad-mooar; chymsee-jee ersooyl ny claghyn: trog-jee seose mergey da’n pobble.

Deuteronomy 33:26

Cha vel unnane goll-rish Jee Yeshurun, ta markiagh er niau son dty chooney, as ayns e ard-ooashley er yn aer.