Psalmyn 68:30 - Yn Vible Casherick 1775 1819

³⁰ Tra vees sheshaght ny deiney-shleiy, as earrooyn ny deiney niartal er nyn skeayley dy lhean (mastey feïeys y phobble,) myr shen dy vel ad dy imlee cur lhieu peeshyn dy argid: as tra t’eh er skeayley yn pobble ta goaill taitnys ayns caggey:

Lioar ny Psalmyn 1765 (Pointed)

³⁰ Tra vees sheshaght ny deiney-shleiy, as earrooyn ny deiney niartal er nyn skeayley dy-lhean (mastey feïeys y pobble,) myr shen dy vel ad dy-imlee cur lhieu peeshyn dy argid: as tra t’eh er skeayley yn pobble ta goaill taitnys ayns caggey;

Psalmyn 68:30 ပူးပေါင်းရင်းမြစ်များ

2 Recortyssyn 9:14

Marish y custom v’eh troggal jeh ny dellaryn as ny marchanyn. As va ooilley reeaghyn Arabia, as kiannoortyn y cheer geeck keesh da Solomon ayns airh as argid.

2 Recortyssyn 9:24

As hug ad lhieu dagh dooinney e yioot, siyn argid, as siyn airh, as coamraghyn, eilley-caggee, as spiceyn, cabbil, as muleyn, keesh cour ny bleeaney.

Lioar Yob 40:21

T’eh lhie fo scadoo ny biljyn, fo coodagh yn chuirtlagh, as ny curreeyn.

Psalmyn 18:44

Pobble nagh nhione dooys: nee m’y hirveish.

Psalmyn 2:12

Cur-jee ooashley da’n Mac, nagh bee eh jymmoosagh, as myr shen shiu dy herraghtyn veih’n raad cair: my vees e chorree er ny vrasnaghey, (agh ny veggan;) bannit t’adsyn ooilley ta coyrt nyn dreishteil aynsyn.

Psalmyn 72:10

Reeaghyn Tarshish as ny ellanyn ver ad lhieu toyrtyssyn: ver reeaghyn Arabia as Saba lhieu giootyn.

Psalmyn 89:10

T’ou reill dewlys ny marrey: t’ou kiunaghey ny tonnyn eck tra t’ad troggal.

Isaiah 34:7

As hig ny unicornyn sheese mâroo, as ny dew marish ny terriu; as bee yn thalloo oc er ny lhieeney harrish lesh fuill, as yn joan jeant mea lesh meeaylys.

Jeremiah 50:11

Er-yn-oyr dy ren shiu boggyssagh as craid, shiuish stroideryn my eiraght; son dy vel shiu er n’aase roauyr myr yn cholbagh ec faiyr, as dy vel shiu buirroogh myr terriu;

Ezekiel 29:3

Loayr, as abbyr, Myr shoh ta’n Chiarn Jee dy ghra, Cur-my-ner, ta mish dt’oï’s, Pharaoh, ree Egypt, yn dragon mooar ta lhie ayns mean ny awinyn echey, ta er ghra, Ta’n awin aym’s lhiam pene, as my chour hene ta mee er n’yannoo eh.

Zechariah 8:22

Dy jarroo, hig ymmodee pobble as ashoonyn niartal dy hirrey gys Chiarn ny flaunyssee ayns Jerusalem, as dy ghoaill padjer kiongoyrt rish y Chiarn.

Romanee 7:22

Son ta taitnys aym ayns leigh Yee, cordail rish y dooinney er cheu-sthie.

Jamys 4:1

Cre voish ta cheet caggaghyn as streeughyn nyn mast’ eu? nagh vel ad cheet veih shoh, dy jarroo veih nyn sayntyn, ta caggey ayns nyn oltyn?