Psalmyn 68:3 - Yn Vible Casherick 1775 1819

³ Agh lhig da’n vooinjer chairagh ve gerjoil, as boggey ’ghoaill kiongoyrt rish Jee: lhig daue myrgeddin ve gennal as lane dy voggey.

Lioar ny Psalmyn 1765 (Pointed)

³ Agh lhig da’n vooinjer chairagh ve gerjoil, as boggey ’ghoaill kiongoyrt rish Jee: lhig daue myrgeddin ve gennal as laane dy voggey.

Psalmyn 68:3 ပူးပေါင်းရင်းမြစ်များ

Psalmyn 21:1

Nee’n Ree boggey ’ghoaill ayns dty niart, O Hiarn: feer yennal vees eh jeh dty haualtys.

Psalmyn 32:11

Ta kerraghey trome cour ny mee-chrauee: agh eshyn ta coyrt e varrant er y Chiarn, ta myghin lhiantyn huggey er dagh cheu.

Psalmyn 37:20

Er son ny mee-chrauee, nee ad cherraghtyn, as nee noidyn y Chiarn lheïe ersooyl myr meeaylys eayin: dy feer myr y jaagh bee ad eebrit ersooyl.

Psalmyn 43:4

Dy voddym goll gys altar Yee, dy jarroo gys Jee my voggey as my yennallys: as er y chlaasagh ver-yms booise dhyt’s, O Yee, my Yee.

Psalmyn 58:10

Myr shen dy jir dooinney, Dy firrinagh ta leagh cour y sleih cairagh: gyn dooyt ta Jee ayn ta briwnys y theihll.

Psalmyn 64:10

Gowee yn dooinney cairagh boggey ayns y Chiarn, as ver eh e hreishteil ayn: as nee adsyn ooilley ta firrinagh ayns cree, boggey ’ghoaill.

Psalmyn 75:4

Ta’n seihll annoon, as ooilley e cummaltee: mish ta gymmyrkey seose ny pillaryn eck.

Psalmyn 97:12

Gow-jee boggey ayns y Chiarn, shiuish sleih ynrick: as cur-jee booise ayns cooinaghtyn jeh e chasherickys.

Deuteronomy 12:12

As nee shiu boggey ’ghoaill kiongoyrt rish y Chiarn nyn Yee, shiu hene, as nyn mec, as nyn inneenyn, nyn fir-vooinjerey, as nyn inneenyn-veyl, as y Levite t’er cheu-sthie jeh dty yiattyn; er-yn-oyr nagh vel echeysyn ayrn ny eiraght erbee mêriu.

1 Thessalonianee 5:16

Gow-jee dy bragh boggey.

1 Peddyr 1:8

Ersyn ta shiu graihagh, ga nagh vel shiu er vakin eh; ayn, ga nagh vel shiu nish fakin eh, ny-yeih credjal, ta shiu goaill boggey lesh boggey erskyn insh, as lane dy ghloyr:

Ashlish 18:20

Bee-jee boggyssagh er-e-skyn, uss niau, as shiuish ostyllyn as phadeyryn casherick, son ta Jee er choyrt cooilleeney diu urree.

Ashlish 19:7

Lhig dooin ve gennal as boggey ’ghoaill, as ooashley y choyrt da; son ta poosey yn Eayn er jeet, as ta e ven-phoost er n’yannoo ee hene aarloo.