Psalmyn 68:18 - Yn Vible Casherick 1775 1819

¹⁸ T’ou er n’gholl seose er yn yrjid, t’ou er leeideil cappeeys ayns bondiaght, as er gheddyn giootyn son deiney: dy jarroo, son dt’eer noidyn, dy voddagh y Chiarn Jee cummal ny mast’ oc.

Lioar ny Psalmyn 1765 (Pointed)

¹⁸ T’ow er n’gholl seose er yn yrjid, t’ow er leeideil cappeeys ayns bondiaght, as er gheddyn giootyn son deiney: dy-jarroo, son dt’eer noidyn, dy voddagh y Chiarn Jee cummal ny mast’ oc.

Psalmyn 68:18 ပူးပေါင်းရင်းမြစ်များ

2 Recortyssyn 6:18

(Agh jean Jee dy jarroo cummal marish deiney er y thalloo? cur-my-ner, cha vod niau, as niau ny niaughyn uss y ghoaill; cre-woad sloo yn thie shoh ta mish er hroggal?)

Psalmyn 110:1

Dooyrt y Chiarn rish my Hiarn’s: Soie uss er my laue yesh, derrey nee’m dty noidyn y yannoo stoyl dty choshey.

Psalmyn 24:3

Quoi eh hed seose er cronk y Chiarn: ny quoi vees cooie dy hassoo ayns e ynnyd casherick?

Psalmyn 47:5

Ta Jee er gholl seose lesh kiaulleeaght ghennal: as y Chiarn lesh feiyr y chayrn.

Psalmyn 7:7

As myr shen hig chaglym y phobble mygeayrt-y-mood: er y ghraih ocsyn eisht trog seose oo hene reesht.

Psalmyn 78:60

Tra cheayll Jee shoh, v’eh corree: as ghow eh jymmoose trome noi Israel;

Isaiah 55:7

Lhig da’n drogh ghooinney treigeil e raad, as y dooinney neu-ynrick e smooinaghtyn: as lhig da chyndaa gys y Chiarn, as bee myghin echey er; as gys y Jee ain, as nee eh dy arryltagh leih da.

Isaiah 57:15

Son shoh myr ta’n Jee smoo ard as ooasle dy ghra, eer eshyn ta cummal ayns beaynid dy bragh farraghtyn, e ennym ta Casherick; Ta mee cummal ’syn ynnyd ard as casherick, mârishyn myrgeddin ta jeh spyrryd imlee arryssagh, dy gherjaghey spyrryd ny imlee, as dy gherjaghey cree ny accryssee.

Ezekiel 48:35

Va’n slane towshan mygeayrt hoght thousaneyn jeig dy howshanyn: as bee ennym yn ard-valley veih yn laa shen, Ta’n CHIARN ayns shen.

Joel 2:11

As nee yn Chiarn fockley-magh e choraa roish e heshaght-chaggee; son ta’n camp echey feer vooar, son s’niartal t’eshyn, ta cooilleeney e ghoo: son ta laa yn Chiarn mooar, as feer atchimagh, as quoi oddys shassoo roish?

Noo Mian 9:13

Agh immee-jee shiuish, as ynsee-jee cre ta dy ve toiggit liorish y raa shoh, S’bare lhiam myghin na oural: son cha daink mish dy eamagh er y vooinjer chairagh, agh er peccee gys arrys.

Noo Mark 16:9

Nish tra va Yeesey er n’irree er moghrey yn chied laa jeh’n chiaghtin, hoilshee eh eh-hene hoshiaght da Moirrey Malaine, ass-jee v’eh er hilgey shiaght drogh-spyrrydyn.

Noo Luke 24:47

As arrys as leih peccaghyn dy ve er nyn breacheil ayns yn ennym echey, mastey dy chooilley ashoon, goaill toshiaght ec Jerusalem.

Noo Luke 24:49

As cur-my-ner, ver-yms hiu gialdyn my Ayrey: agh fuirree-jee ayns ard-valley Yerusalem, derrey vees shiu coamrit lesh pooar veih’n yrjid.

Noo Luke 24:51

As haink eh gy-kione, choud as v’eh dy vannaghey ad, dy row eh er ny scarrey voue, as er ny hroggal seose gys niau.

Noo Ean 14:23

Dreggyr Yeesey as dooyrt eh rish, My ta dooinney graihagh orrym, freillee eh my ghoan: as ver my Ayr graih da, as hig mayd huggey, as nee mayd tannaghtyn mârish.

Noo Ean 16:7

Ny-yeih ta mish ginsh diu yn irriney; Te ymmyrchagh er nyn son mish dy gholl roym: son mannagh jem roym, cha jig Fer-ny-gherjagh hiu; agh my hem’s roym, ver-ym hiu eh.

Jannoo 2:23

Eshyn va currit diu liorish oardagh ro-laue as fysseree Yee, ta shiuish er ghoaill, as lesh laueyn mee-chrauee er chrossey as er varroo.

Jannoo 2:4

As v’ad ooilley lhieent lesh y Spyrryd Noo, as ren ad toshiaght dy loayrt lesh chengaghyn noa, myr va’n Spyrryd cur bree loayrtys ayndoo.

Jannoo 9:17

As jimmee Ananias roish, as hie eh stiagh ayns y thie; as hug eh e laueyn er, as dooyrt eh, Vraar Saul, ta’n Chiarn (eer Yeesey honnick oo er y raad myr haink oo) er my choyrt’s, dy voddagh oo dty hoilshey y gheddyn, as ve lhieent lesh y Spyrryd Noo.

Romanee 5:8

Agh ta Jee soilshaghey magh e ghraih hooinyn, choud as va shin foast nyn beccee, hur Creest baase er nyn son.

2 Corinthianee 6:16

As cre’n chaarjys t’ec chiamble Yee rish jallooyn? son ta shiuish chiamble yn Jee bio; myr ta Jee er ghra, Neem’s baghey ayndoo, as gimmeeaght mâroo; as beem’s yn Jee ocsyn, as bee adsyn yn pobble aym’s.

Deuteronomy 33:2

As dooyrt eh, Haink y Chiarn [mârin] veih Sinai, as veih Seir v’eh nyn leeideilagh: ren eh soilshean magh veih cronk Paran, as haink eh lesh jeih thousaneyn jeh e nooghyn: veih e laue yesh hie magh e leigh, ayns aile as taarnagh.

Colossianee 2:3

Ayn ta follit dy chooilley verchys dy chreenaght as tushtey.

Colossianee 2:9

Son aynsyn ta tannaghtyn bree yn dooghys flaunyssagh ayns slane towse.

Hebrewnee 1:3

Myr v’eh sollyssid e ghloyr, as eer co-chaslys e phersoon, as cummal seose dy chooilley nhee liorish goo e phooar, tra v’eh liorish hene er ghlenney ersooyl ny peccaghyn ainyn, hoie eh sheese er laue yesh yn ard-ooashley ayns yn yrjid:

Hebrewnee 4:14

Fakin dy vel ain eisht ard-saggyrt ooasle, t’er n’gholl stiagh ayns ny niaughyn, Yeesey Mac Yee, lhig dooin cummal shickyr nyn gredjue.

Hebrewnee 6:20

Raad ta’n chaghter hie roïn er n’gholl stiagh er nyn son, dy jarroo Yeesey, jeant ny ard-saggyrt son dy bragh myr va Melchisedec.

Hebrewnee 8:1

Nish mychione ny reddyn ta shin er loayrt, shoh’n bun: Ta lheid yn ard-saggyrt ain, ta soit er laue yesh stoyl-reeoil yn ard-ooashley ayns ny niaughyn;

1 Peddyr 3:22

Ta er gholl gys niau, as ta er laue yesh Yee, huggeysyn ta ainleyn as ard-reillyn, as pooaraghyn er nyn injillaghey.

Ashlish 1:20

Folliaght ny shiaght rollageyn honnick oo ayns my laue yesh, as ny shiaght cainleyryn dy airh. Ta ny shiaght rollageyn ainleyn ny shiaght kialteenyn; as ny shiaght cainleyryn honnick oo, t’ad ny shiaght kialteenyn.

Ashlish 21:3

As cheayll mee coraa mooar veih niau, gra, Cur-my-ner, ta cabbane-agglish Yee marish deiney, as nee eh cummal mâroo, as bee ad e phobble, as bee Jee eh-hene mâroo, as bee eh yn Jee oc.

Briwnyn 5:12

Dooisht oo, dooisht oo, Deborah; dooisht, dooisht; gow lesh dt’arrane-moyllee: trog ort, Barak, as leeid dty chappee ayns cappeeys, uss vac Abinoam.