Psalmyn 68:16 - Yn Vible Casherick 1775 1819

¹⁶ Cre’n-fa ta shiu lheim myr shen, shiuish chroink ard? shoh cronk Yee, ayn s’gooidsave lesh dy chummal: dy jarroo, nee yn Chiarn tannaghtyn ayn son dy bragh.

Lioar ny Psalmyn 1765 (Pointed)

¹⁶ Cre’n-fa ta shiu lieme myr shen, shiuish chroink ard? shoh cronk Yee, ayn s’gooidsave lesh dy chummal: dy-jarroo, nee yn Chiarn tannaghtyn ayn son dy-bragh.

Psalmyn 68:16 ပူးပေါင်းရင်းမြစ်များ

1 Reeaghyn 9:3

As dooyrt y Chiarn rish, Ta mee er chlashtyn dty phadjer as dt’accan t’ou er n’yannoo kiongoyrt rhym: ta mee er chasherickey yn thie shoh t’ou er hroggal, dy choyrt my ennym ayn son dy bragh; as bee my hooillyn as my chree ayn dy kinjagh.

Psalmyn 114:4

Ren ny sleityn lheim myr reaghyn: as ny croink veggey myr eayin.

Psalmyn 114:6

Shiuish sleityn dy lheim shiu myr reaghyn: as shiuish chroink veggey myr eayin?

Isaiah 2:2

As hig eh gy-kione ayns ny laghyn jerrinagh, dy bee slieau thie yn Chiarn er ny hoiaghey er mullagh ny sleityn; as nee dy chooilley ashoon chionney stiagh huggey.

Deuteronomy 12:11

Shen y raad vees ynnyd nee yn Chiarn nyn Yee y reih, dy choyrt e ennym ayn, gys shen ver shiu lhieu ooilley ny ta mee dy harey diu, ny ourallyn-losht eu, ny chebballyn, ny jagheenyn, as oural-troggit-seose nyn laue, as y reih jeh dy chooilley vreearrey-arryltagh, ta shiu dy yannoo gys y Chiarn.

Deuteronomy 12:5

Agh gys yn ynnyd, nee’n Chiarn nyn Yee y reih ass ooilley ny tribeyn eu, dy chur e ennym ayn, eer ayns e ynnyd-vaghee hene nee shiu shirrey, as gys shen nee shiu cheet: