Psalmyn 68:11 - Yn Vible Casherick 1775 1819

¹¹ Ren y Chiarn yn fockle y choyrt: s’mooar va sheshaght ny preachooryn.

Lioar ny Psalmyn 1765 (Pointed)

¹¹ Ren y Chiarn yn fockle y choyrt: smooar va sheshaght ny preachooryn.

Psalmyn 68:11 ပူးပေါင်းရင်းမြစ်များ

Psalmyn 40:3

As t’eh er choyrt arrane noa ayns my veeal: dy jarroo, toyrt-booise gys y Jee ain.

Psalmyn 68:25

T’adsyn ta goaill arraneyn shooyl hoshiaght, adsyn ta jannoo bingys er greïnyn-kiaull cheet nyn yeï: ayns y vean ta ny mraane-aegey cloie er ny timbrelyn.

Exodus 14:15

As dooyrt y Chiarn rish Moses, Cre’n-fa t’ou geam hym’s? Abbyr rish cloan Israel ad dy gholl er nyn doshiaght.

Exodus 15:20

As ren y phadeyr Miriam, shuyr Aaron, greïe-chiaull y ghoaill ’sy laue eck; as deiyr ooilley ny mraane urree lesh greinyn-kiaullee, as lesh daunsin.

Ephesianee 4:11

As hug eh da paart, dy ve nyn ostyllyn; as da paart, dy ve phadeyryn; as da paart, dy ve sushtallee; as da paart, dy ve bochillyn as fir-ynsee.

Ashlish 19:13

As v’eh coamrit lesh garmad thummit ayns fuill: as ta’n ennym echey, Goo Yee.

Briwnyn 4:6

As hug ee chaghteraght gys Barak mac Abinoam veih Kedesh-naphtali, as dooyrt ee rish, Nagh vel y Chiarn Jee Israel er harey, gra, Immee, as tayrn gys slieau Tabor, as gow mayrt jeih thousane dooinney jeh cloan Naphtali, as jeh cloan Zebulun?

1 Samuel 18:6

As shoh myr ve, tra haink ad back, lurg da David ve er varroo yn Philistine, dy daink ny mraane ass ooilley ard-valjyn Israel, goaill arraneyn, as daunsin, dy veeiteil ree Saul, lesh tabretyn, lesh gennallys, as lesh greïnyn-kiaullee.