Psalmyn 67:7 - Yn Vible Casherick 1775 1819

⁷ Nee Jee shin y vannaghey: as nee dy chooilley ard jeh’n seihll aggle y ghoaill roish.

Psalmyn Ghavid 1761 (Metrical)

⁷ Ver Jee e vannaght dooin, Lesh palchey jeh dagh nhee; As ooilley’n seihll nee aggle ’ghoaill, Roish pooar yn niartal Jee.

Lioar ny Psalmyn 1765 (Pointed)

⁷ Nee Jee shin y vannaghey: as nee dy-chooilley chione jeh’n seihll aggle y ghoaill roish.

Psalmyn 67:7 ပူးပေါင်းရင်းမြစ်များ

Psalmyn 22:27

Nee ooilley ardjyn y thallooin cooinaghtyn orroo hene, as bee ad er nyn jyndaa gys y Chiarn: as ver ooilley kynneeyn ny ashoonyn ooashley kiongoyrt rish.

Psalmyn 33:8

Lhig da’n seihll ooilley aggle ’ghoaill roish y Chiarn: bee-jee er-creau roishyn, ooilley shiuish cummaltee yn thallooin.

Psalmyn 65:5

Nee oo jeeaghyn dooin reddyn yindyssagh ayns dty chairys, O Yee nyn Saualtys: uss ta sauchys ooilley king y theihll, as dauesyn ta cummal er y faarkey lhean.

Psalmyn 72:17

Nee yn ennym echey farraghtyn son dy bragh, bee yn ennym echey er-mayrn fo’n ghrian mastey ny sheelogheyn ta foast ry-heet: vees er nyn mannaghey ny hrooidsyn, as nee ooilley ny ashoonyn eh y voylley.

Psalmyn 98:3

Ta’n Chiarn er hoilshaghey e haualtys: e chairys t’eh er hoiaghey magh dy foshlit ayns shilley ny ashoonyn.

Isaiah 30:23

Eisht ver eh fliaghey er dty rass nee oo cuirr ayns dty halloo, as bee yn arran jeh bishaghey yn thallooin kenjal as palchey: ’sy laa shen nee dty vaase gyndyr ayns aberyn lheaney.

Isaiah 43:6

Jir-ym rish y twoaie, Cur seose; as rish y jiass, Ny jean lhiettal: cur-jee lhieu my vec veih foddey, as my inneenyn veih ardjyn ny cruinney;

Isaiah 45:22

Jeeagh-jee hym’s, as bee-jee er nyn sauail, ooilley shiuish ardjyn y theihll; son mish Jee, as cha vel Jee erbee elley.

Isaiah 52:10

Ta’n Chiarn er roostey e roih casherick ayns shilley ooilley ny ashoonee; as nee dy chooilley ard sodjey magh jeh’n theihll cur-my-ner saualtys yn Jee ain.

Leviticus 26:4

Eisht ver-yms fliaghey diu ’syn imbagh cooie, as ver y thalloo magh e bishagh, as nee biljyn y vagher gymmyrkey nyn mess.

Micah 5:4

As nee eh shassoo as reill ayns niart y Chiarn, ayns ard-ooashley ennym y Chiarn yn Jee echey, as nee ad tannaghtyn: son nish bee eh ayns ard-ghoo gys ardjyn sodjey magh y thallooin.

Zechariah 8:12

Son bee yn sheel correy messoil, nee yn billey gymmyrkey mess, as ver y thalloo magh brat palchey, as ver ny niaughyn nyn ghruight, as ver-yms da fooilliagh yn phobble shoh ooilley ny reddyn shoh ayns nyn gummal.

Zechariah 9:10

As giare-ym jeh yn ainagh voish Ephraim, as y cabbyl veih Jerusalem, as bee’n bow-chaggee er ny vrishey, as loayree eh shee rish ny ashoonee: as bee yn reeriaght eer veih keayn gys keayn, as veih yn awin gys ardjyn sodjey magh y thallooin.

Malachi 1:11

Son veih irree ny greïney, eer gys y lhie echey vees my ennym ooasle mastey ny ashoonee; as ayns dy chooilley voayl vees incense er ny hebbal gys my ennym, as oural ghlen: son bee my ennym ooasle mastey ny ashoonee, ta Chiarn ny flaunyssee dy ghra.

Malachi 4:2

Agh erriuish ta goaill aggle roish my ennym, nee yn ghrian dy ynrickys girree lesh slaynt ayns e skianyn; as hed shiuish er nyn doshiaght, as gaase myr ny lheiyee slane beiyht.

Jannoo 13:26

Gheiney as vraaraghyn, cloan kynney Abraham, as quoi-erbee ta nyn mast’ euish goaill aggle roish Jee, hiuish ta goo yn taualtys shoh er ny choyrt.

Jannoo 13:47

Son shen myr ta’n Chiarn er chur sarey dooin, gra, Ta mee er hoiaghey oo seose dy ve dty hoilshey da ny Ashoonee, as dy ve son saualtys gys ardjyn sodjey magh y thallooin.

Jannoo 2:28

T’ou er hoilshaghey dooys raaidyn y vea; ta dty eddin er my lhieeney lesh gerjagh.

Galatianee 3:14

Dy voddagh bannaght Abraham cheet er ny Ashoonee trooid Yeesey Creest; dy voddagh shin gialdyn yn Spyrryd y chosney trooid credjue.

Galatianee 3:9

Myr shen eisht adsyn ta jeh credjue, t’ad bannit marish Abraham firrinagh.

Ashlish 15:4

Quoi eh nagh gow aggle royd, O Hiarn, as nagh jean dty ennym y ghloyraghey? son uss dty-lomarcan ta casherick: son hig dy chooilley ashoon as ver ad ooashley kiongoyrt rhyt; son ta dty vriwnyssyn er ny hoilshaghey.