Psalmyn 67:6 - Yn Vible Casherick 1775 1819

⁶ Eisht nee’n thalloo cur magh e bishaghey: as nee Jee, dy jarroo yn Jee ain, e vannaght y choyrt dooin.

Psalmyn Ghavid 1761 (Metrical)

⁶ Bee’n ooir eisht laadit trome Lesh bratt dy chooilley vleïn; As bee mayd bannit liorish Jee, Yn Jee graysoil ain hene.

Lioar ny Psalmyn 1765 (Pointed)

⁶ Eisht nee’n thalloo cur magh e bishaghey: as nee Jee, dy-jarroo yn Jee ain, e vannaght y choyrt dooin.

Psalmyn 67:6 ပူးပေါင်းရင်းမြစ်များ

Genesis 17:7

As nee’m my chonaant y niartaghey eddyr mish as uss, as dty luight dty yeï, ayns ny sheelogheyn oc, son conaant dy bragh farraghtyn, dy ve my Yee dhyt’s as da dty luight dty yeï.

Exodus 3:15

As dooyrt Jee ny sodjey rish Moses, Er yn aght shoh nee oo loayrt rish cloan Israel, Ta’n Chiarn Jee nyn ayraghyn, Jee Abraham, Jee Isaac, as Jee Yacob, er m’y choyrt hiuish: shoh my ennym’s son dy bragh, as shoh my imraa gys dy chooilley heeloghe.

Isaiah 1:19

My vees shiu arrymagh as ammyssagh, nee shiu gee jeh foays ny cheerey:

Jeremiah 31:1

Ec y traa cheddin, ta’n Chiarn dy ghra, beem’s Jee ooilley kynneeyn Israel, as bee adsyn my phobble’s.

Jeremiah 31:33

Agh shoh vees y conaant neem’s rish thie Israel; Lurg ny laghyn shen, ta’n Chiarn dy ghra, ver-yms my leigh er cheu-sthie jeu, as scrieu-yms eh er nyn greeaghyn; as beem’s yn Jee oc, as bee adsyn my phobble’s.

Leviticus 25:19

As nee’n thalloo gymmyrkey magh e mess, as bee shiu jeant magh dy palchey, as baghey ayn dy sauchey.

Leviticus 26:4

Eisht ver-yms fliaghey diu ’syn imbagh cooie, as ver y thalloo magh e bishagh, as nee biljyn y vagher gymmyrkey nyn mess.