Psalmyn 66:7 - Yn Vible Casherick 1775 1819

⁷ O cur-jee moylley da’n Jee ain, shiuish phobble: as cur-jee er coraa e voylley dy ve er ny chlashtyn;

Lioar ny Psalmyn 1765 (Pointed)

⁷ O cur-jee moylley da’n Jee ain, shiuish phobble: as cur-jee er coraa e voylley dy ve er ny chlashtyn;

Psalmyn 66:7 ပူးပေါင်းရင်းမြစ်များ

2 Recortyssyn 16:9

Son ta sooillyn y Chiarn roie noon as noal trooid y slane seihll, dy hoilshaghey eh-hene dy ve niartal er y cheu ocsyn ta lesh cree firrinagh treishteil ayn. Ayns shoh t’ou er n’yannoo dy ommijagh; shen-y-fa veih’n traa shoh magh bee oo seaghnit lesh caggey.

Lioar Yob 9:4

T’eshyn creeney ayns cree, as niartal ayns troshid: quoi t’er chreoghey eh-hene n’oï, as er vishaghey?

Psalmyn 11:4

Ta’n Chiarn ayns e hiamble casherick: ta stoyl-reeoil y Chiarn ayns niau.

Psalmyn 140:8

Ny lhig da’n dooinney mee-chrauee cooilleen-aigney ’gheddyn orrym, O Hiarn: ny lhig da ny saaseyn aggairagh echey goaill toshiaght, nagh bee ad ro voyrnagh.

Psalmyn 145:13

Ta’n reeriaght ayd’s reeriaght dy bragh farraghtyn: as ta dty ard-reill er-mayrn trooid dy chooilley heeloghe.

Psalmyn 33:13

Yeeagh y Chiarn neose veih niau, as chur eh my-ner ooilley cloan gheiney: veih stoyl-reeoil e ynnyd-vaghee ta sooill echey er cummaltee yn theihll.

Psalmyn 62:11

Loayr Jee un cheayrt, as daa cheayrt ta mish er chlashtyn y lheid cheddin: dy vel pooar bentyn gys Jee;

Psalmyn 75:6

Ny soie-jee seose nyn eairk dy ard: as ny loayr-jee lesh mwannal mooaralagh;

Exodus 18:11

Nish, ta fys aym, dy vel y Chiarn foddey erskyn dy chooilley Yee: son lesh ooilley nyn mooaralys v’eshyn er-nyn-skyn.

Daniel 4:34

As ec kione ny laghyn shen, hrog mish Nebuchadnezzar my hooillyn gys niau, as haink my hushtey hym reesht, as vannee mee yn er smoo syrjey, as hug mee moylley as ooashley dasyn ta dy bragh beayn, e reiltys ta reiltys dy bragh farraghtyn, as e reeriaght ta veih sheeloghe gys sheeloghe.

Daniel 4:35

As cha vel ooilley cummaltee ny hooirey agh jeh beggan foaynoo; as t’eh jannoo cordail rish e aigney ayns ny sheshaghtyn flaunyssagh, as fud cummaltee ny hooirey; as cha vod fer erbee y laue echeysyn y lhiettal, ny gra rishyn, Cre t’ou dy yannoo?

Noo Mian 28:18

As haink Yeesey, as loayr eh roo, gra, Ta dy chooilley phooar er ny chur dou ayns niau as er y thalloo.

Noo Mian 6:13

As ny leeid shin ayns miolagh, agh livrey shin veih olk: Son lhiat’s y reeriaght, as y phooar, as y ghloyr, son dy bragh, Amen.