Psalmyn 66:3 - Yn Vible Casherick 1775 1819

³ Son nee ooilley yn seihll ooashley ’chur dhyt: goaill arrane jeed, as moylley dt’Ennym.

Lioar ny Psalmyn 1765 (Pointed)

³ Son nee ooilley yn seihll ooashley ’chur dhyt: goaill arrane jeed, as moylley dt’Ennym.

Psalmyn 66:3 ပူးပေါင်းရင်းမြစ်များ

Lioar Yob 25:2

Ta reill as aggle mârishyn; t’eh jannoo shee ayns e ynnydyn ard.

Psalmyn 18:44

Pobble nagh nhione dooys: nee m’y hirveish.

Psalmyn 18:45

Cha leah as chlinnys ad jee’m, ver ad biallys dou: agh nee’n chloan yoarree foalsaght rhym.

Psalmyn 47:2

Son ta’n Chiarn ard, as aggle dy v’er ny ghoaill roish: she eshyn y ree mooar er feaï-ny-cruinney.

Psalmyn 65:5

Nee oo jeeaghyn dooin reddyn yindyssagh ayns dty chairys, O Yee nyn Saualtys: uss ta sauchys ooilley king y theihll, as dauesyn ta cummal er y faarkey lhean.

Psalmyn 68:30

Tra vees sheshaght ny deiney-shleiy, as earrooyn ny deiney niartal er nyn skeayley dy lhean (mastey feïeys y phobble,) myr shen dy vel ad dy imlee cur lhieu peeshyn dy argid: as tra t’eh er skeayley yn pobble ta goaill taitnys ayns caggey:

Psalmyn 76:12

Nee eshyn ginjillaghey spyrryd princeyn: as t’eh yindyssagh mastey reeaghyn y thallooin.

Psalmyn 81:15

Veign dy leah er choyrt sheese ny noidyn oc: as er hyndaa my laue noi ny tranlaasee oc.

Exodus 15:21

As hie Miriam lhieu, Jean-jee kiaulleeaght gys y Chiarn; son t’eh dy gloyroil er gheddyn barriaght; yn cabbyl as e varkiagh t’eh er vaih ’syn aarkey.

Isaiah 2:19

As follee sleih ad-hene ayns guaggyn ny creggyn, as ayns ooigyn ny hooirey, ayns aggle roish y Chiarn, as son gloyr e ard-ooashley, tra t’eh girree dy chraa yn thalloo dy atchimagh.

Isaiah 25:3

Er-y-fa shen nee yn pobble niartal oo y ghloyraghey, nee ard-valley ny ashoonee atchimagh aggle y ghoaill royd.

Isaiah 40:26

Trog-jee seose nyn sooillyn dy ard, as cur-jee my-ner quoi t’er chroo ny reddyn t’ayns shen, ta cur magh yn cheshaght oc rere nyn earroo: t’eh geamagh orroo ooilley lurg ny enmyn oc, lesh mooadys e niart; son t’eh niartal ayns pooar; cha vel unnane failleil.

Isaiah 64:3

Tra ren uss reddyn atchimagh erskyn nyn yerkal, haink uss neose, lheïe ny sleityn sheese ec dty enish.

Jeremiah 10:10

Agh ta’n Chiarn yn Jee firrinagh, eshyn y Jee bio, as y Ree dy bragh farraghtyn: ec y chorree echeysyn bee’n seihll er-creau, as cha vod ny ashoonyn e yymmoose y ymmyrkey.