Psalmyn 66:14 - Yn Vible Casherick 1775 1819

¹⁴ O tar-jee ayns shoh, as eaisht-jee, ooilley shiuish ta goaill aggle roish Jee: as insh-ym diu cre t’eh er n’yannoo son m’annym.

Lioar ny Psalmyn 1765 (Pointed)

¹⁴ O tar-jee ayns shoh, as eaisht-jee, ooilley shiuish ta goaill aggle roish Jee: as insh-ym diu cre t’eh er n’yannoo son m’annym.

Psalmyn 66:14 ပူးပေါင်းရင်းမြစ်များ

Genesis 35:3

As lhig dooin troggal orrin, as goll seose gys Beth-el; as neem’s altar y hroggal ayns shen gys Jee, ren feaysley orrym ayns laa my heaghyn trome, as va mârym ayns y raad va mee goll,

2 Samuel 22:7

Ayns my heaghyn deïe mee gys y Chiarn, as ren mee my accan gys my Yee; as cheayll eh my choraa veih e hiamble, as hie m’accan stiagh gys e chleayshyn.

Psalmyn 18:6

Myr shen clynnee eh my choraa veih e hiamble chasherick: as hig my phlaiynt kiongoyrt rish, hed eh stiagh dy jarroo gys e chleayshyn.

Earrooyn 30:12

Agh my ta’n sheshey eck er n’yannoo ad dy bollagh gyn bree, er y laa cheayll eh ad; eisht cha jean cre-erbee t’ee er loayrt, mychione e breearraghyn, ny mychione yn kiangley t’ee fo, shassoo ayns bree: ta’n sheshey eck er chur ad naardey, as nee’n Chiarn leih jee.

Earrooyn 30:2

My nee dooinney jannoo breearrey gys y chiarn, ny goaill loo, dy chiangley e annym lesh gialdynys; cha jean eh brishey e ockle, nee eh cooilleeney ooilley ny t’eh er ghra.

Earrooyn 30:8

Agh my ta e sheshey mee-lowal j’ee, er y laa cheayll eh jeh; eisht nee eh jannoo yn breearrey eck, as shen t’ee er loayrt lesh e meillyn, dy chiangley yn annym eck, dy ve gyn bree; as nee’n Chiarn leih jee.

1 Samuel 1:11

As ren ee breearrey, as dooyrt ee, O Hiarn dy heshaght-flaunyss, my nee oo dy jarroo jeeaghyn er seaghyn dty inney-veyl, as cooinaghtyn orrym, as nagh jarrood oo dt’inney-veyl, agh dy der oo da dt’inney-veyl lhiannoo-mac, eisht neem’s eh y chasherickey gys y Chiarn ooilley laghyn e vea, as cha jig razor er e chione.