Psalmyn 66:10 - Yn Vible Casherick 1775 1819

¹⁰ Hug oo lhiat shin ayns y ribbey: as hug oo seaghyn er nyn meeghyn.

Lioar ny Psalmyn 1765 (Pointed)

¹⁰ Hug oo lhiat shin ayns y ribbeh: as hug oo seaghyn er nyn meeaghyn.

Psalmyn 66:10 ပူးပေါင်းရင်းမြစ်များ

Lioar Yob 23:10

Agh shione dasyn my ymmyrkey: tra t’eh er my phrowal, hig-ym magh myr airh.

Psalmyn 17:3

T’ou er phrowal as er ronsaghey my chree ayns imbagh ny hoie; t’ou er my hirrey magh as cha vow veg yn olkys aynym: son ta mee dy slane kiarit nagh jean-ym foill lesh my hengey.

Raaghyn Creeney 17:3

Myr ta’n coirrey-lheïe son glenney argid, as yn furnace son airh: shen myr ta’n Chiarn prowal ny creeaghyn.

Raaghyn Creeney 25:4

Scarr yn dross veih’n argid, as bee saagh aalin er ny chummey son y ghlenneyder.

Isaiah 48:10

Cur-my-ner, ta mee er lheïe oo ’syn aile, agh cha nee myr argid; ta mee er dty phrowal ayns y choirrey dy heaghyn.

Zechariah 13:9

As ver-ym lhiam yn trass ayrn trooid yn aile, as nee’m ad y ghlenney myr ta arroo er ny ghlenney, as nee’m ad y phrowal myr ta airh er ny phrowal: as nee ad geamagh er my ennym’s, as nee’m ad y chlashtyn: as jir-ym, T’adsyn my phobble: as jir adsyn, Ta’n Chiarn my Yee.

Malachi 3:3

As nee eh soie goll-rishyn ta glenney as scarrey argid veih’n dross: as nee eh mec Levi y chasherickey, as ad y ghlenney myr airh as argid, dy vod ad oural gys y Chiarn y hebbal ayns ynrickys.

Deuteronomy 13:3

Cha n’eaisht oo rish goan y phadeyr, ny’n branlaader cheddin: son ta’n Chiarn nyn Yee dy nyn browal, dy hoilshaghey vel graih eu er y Chiarn nyn Yee lesh ooilley nyn gree as lesh ooilley nyn annym.

Deuteronomy 8:16

Ren uss y veaghey ayns yn aasagh lesh manna, red nagh row fys ec dty ayraghyn cre ve, dy injillaghey oo, as dy phrowal oo, son y foays ayd ec y jerrey)

Deuteronomy 8:2

As nee oo cooinaghtyn er ooilley’n raad ren y Chiarn dty Yee dty leeideil, rish y da-eed bleïn shoh ’syn aasagh, dy dty injillaghey, as dy dty phrowal, dy hoilshaghey cre v’ayns dty chree, bailt’s e annaghyn y reayll, mannagh bailt.