Psalmyn 65:8 - Yn Vible Casherick 1775 1819

⁸ Adsyn myrgeddin ta baghey ayns ny ayrnyn sodjey magh jeh’n seihll, vees agglagh roish dty chowraghyn: uss ta cur er immeeaght y voghrey as yn astyr dy chur dhyt moylley.

Lioar ny Psalmyn 1765 (Pointed)

⁸ Adsyn myrgeddin ta vaghey ayns ny ayrnyn sodjey magh jeh’n seihll, vees agglagh roish dty chowraghyn: uss ta cur er immeeaght [coorse] y voghrey as yn astyr dy chur dhyt moylley.

Psalmyn 65:8 ပူးပေါင်းရင်းမြစ်များ

Genesis 8:22

Choud as ta’n seihll er-mayrn, cha jean traa-correy, as fouyr, feayraght as chiass, sourey as geurey, laa as oie, dy bragh failleil.

Lioar Yob 38:12

Nee uss t’er reill yn voghrey rish dty hraa; as er chiartaghey raad son brishey’n laa;

Psalmyn 107:29

T’eh cur er y sterrym dy ve kiune: myr shen dy vel ny tonnyn goaill fea.

Psalmyn 126:2

Eisht va nyn meeal lhieent lesh gennallys: as y chengey ain lesh boggey.

Psalmyn 135:9

T’eh er hoilshaghey cowraghyn as yindyssyn ayns y vean ayd’s, O heer Egypt: er Pharaoh as ooilley e vooinjer.

Psalmyn 136:8

Yn ghrian dy reill y laa: son ta e vyghin farraghtyn son dy bragh;

Psalmyn 148:3

Moylley-jee eh, ghrian as eayst: moylley-jee eh, ooilley shiuish rollageyn as soilshey.

Psalmyn 19:5

Ayndoo t’eh er hoiaghey cabbane son y ghrian: ta cheet magh myr dooinney-poosee ass e hiamyr, as goaill boggey myr dooinney lajer dy roie e choorse.

Psalmyn 2:8

Shir orrym, as ver-ym dhyt ny ashoonyn son dty eiraght: as ny ayrnyn sodjey magh jeh’n theihll fo dty rere.

Psalmyn 65:13

Nee ad shilley neose er cummallyn yn aasagh, as gowee ny croink veggey boggey er dagh cheu.

Psalmyn 66:3

Son nee ooilley yn seihll ooashley ’chur dhyt: goaill arrane jeed, as moylley dt’Ennym.

Psalmyn 74:16

Hug oo lhiat farraneyn, as ushtaghyn magh ass ny creggyn creoi: hyrmee oo seose ushtaghyn niartal.

Psalmyn 89:10

T’ou reill dewlys ny marrey: t’ou kiunaghey ny tonnyn eck tra t’ad troggal.

Isaiah 17:13

Nee ny ashoonyn roie dy cheilley myr thooillaghyn ymmodee ushtaghyn: agh nee Jee ad y chastey, as nee ad chea foddey jeh, as bee ad er nyn imman myr coau ny sleityn roish y gheay, as myr floagyn roish y gheay-chassee.

Deuteronomy 4:19

As er-aggle dy drog oo dty hooillyn lesh yn aer, as tra hee oo yn ghrian, yn eayst, as ny rollageyn, dy jarroo slane sheshaght yn aer, dy bee oo cleaynit dy choyrt ooashley daue, as dy hirveish ad shen, ta’n Chiarn dty Yee er rheynn er dy chooilley ashoon fo niau.

Ashlish 11:13

As ’syn oor cheddin va craa mooar thallooin ayn, as huitt yn jeihoo ayrn jeh’n ard-valley, as ayns y craa-thallooin v’er nyn stroie shiaght thousane dooinney: as v’adsyn va er-mayrn atchimagh, as hug ad gloyr da Jee t’ayns niau.