Psalmyn 65:5 - Yn Vible Casherick 1775 1819

⁵ Nee oo jeeaghyn dooin reddyn yindyssagh ayns dty chairys, O Yee nyn Saualtys: uss ta sauchys ooilley king y theihll, as dauesyn ta cummal er y faarkey lhean.

Lioar ny Psalmyn 1765 (Pointed)

⁵ Nee oo jeeaghyn dooin reddyn yindyssagh ayns dty chairys, O Yee nyn Saualtys: uss ta sauchys ooilley khing y theihll, as dauesyn ta cummal er y faarkey lhean.

Psalmyn 65:5 ပူးပေါင်းရင်းမြစ်များ

Psalmyn 107:23

Adsyn ta goll er yn aarkey ayns lhongyn: as ta dellal ayns ny ushtaghyn mooarey.

Psalmyn 145:17

Ta’n Chiarn cairagh ayns ooilley e raaidyn: as casherick ayns ooilley e obbraghyn.

Psalmyn 22:27

Nee ooilley ardjyn y thallooin cooinaghtyn orroo hene, as bee ad er nyn jyndaa gys y Chiarn: as ver ooilley kynneeyn ny ashoonyn ooashley kiongoyrt rish.

Psalmyn 36:9

Son mayrt’s ta farrane y vea: as ayns dty hoilshey nee mayd fakin soilshey.

Psalmyn 45:4

Kiangle dty chliwe gys dty lheayst, O uss smoo niartal: cordail rish dty ooashley as dty ghloyr.

Psalmyn 66:3

Son nee ooilley yn seihll ooashley ’chur dhyt: goaill arrane jeed, as moylley dt’Ennym.

Psalmyn 84:5

Bannit ta’n dooinney ta’n niart echey aynyd’s: ayns e chree ta ny raaidyn ayd’s.

Psalmyn 85:4

Chyndaa shin reesht, O Yee nyn Saualtagh: as lhig da dty chorree scuirr voïn.

Isaiah 37:36

Eisht hie ainle y Chiarn magh, as woaill eh ayns camp ny Assyrianee nuy-feed as queig thousaneyn: as tra dirree ad ’sy voghrey, cur-my-ner, v’ad ooilley nyn girp marroo.

Isaiah 45:22

Jeeagh-jee hym’s, as bee-jee er nyn sauail, ooilley shiuish ardjyn y theihll; son mish Jee, as cha vel Jee erbee elley.

Isaiah 51:5

Ta my ynrickys er-gerrey; ta my haualtys er n’gholl magh, as nee niart my roihaghyn briwnys y pobble: nee ny ellanyn farkiaght orrym, as er my roih ver ad nyn marrant.

Isaiah 60:5

Eisht ver oo my-ner, as nee shiu lhieeney stiagh myr thooilley, as nee dty chree roie harrish lesh atchim as boggey; er-yn-oyr dy bee sleih, myr roayrt ny marrey, er ny hyndaa hood’s, nee niart ny ashoonee cheet stiagh hood.

Isaiah 66:19

As soie-yms cowrey orroo, as ver-ym ny scapailtee jeu gys ny ashoonyn, gys Tarshish, Pul, as Lud, ta tayrn y vhow, gys Tubal as Javan, gys ny ellanyn foddey jeh, nagh vel er chlashtyn my ghoo, chamoo er vakin my ghloyr; as nee ad soilshaghey my ghloyr mastey ny ashoonee.

Zephaniah 2:11

Bee yn Chiarn atchimagh daue: son ver eh naardey ooilley jeeghyn y thallooin; as nee deiney eshyn y ooashlaghey, dy chooilley unnane ’syn ynnyd hene, dy jarroo ooilley ellanyn ny ashoonee.

Haggai 2:23

Ayns y laa shen, ta Chiarn ny flaunyssee dy ghra, goym uss, O Zerubbabel, my harvaant, mac Shealtiel, ta’n Chiarn dy ghra, as nee’m oo myr cowrey: son ta mee er dty reih, ta Chiarn ny flaunyssee dy ghra.

Zechariah 9:10

As giare-ym jeh yn ainagh voish Ephraim, as y cabbyl veih Jerusalem, as bee’n bow-chaggee er ny vrishey, as loayree eh shee rish ny ashoonee: as bee yn reeriaght eer veih keayn gys keayn, as veih yn awin gys ardjyn sodjey magh y thallooin.

Romanee 2:5

Agh cordail rish creoghys dty chree vee-arryssagh, t’ou stoyral seose dhyt hene jymmoose cour laa’n yymmoose, as tra vees briwnys cairagh Yee er ny hoilshaghey;

Deuteronomy 10:21

Eshyn dty voylley, as eshyn y Jee ayd, t’er n’yannoo er dty hon ny reddyn mooarey as atchimagh shoh, ta dty hooillyn er vakin.

Deuteronomy 4:34

Ny vel Jee erbee elley er ghoaill er, dy reih da hene ashoon ass mean ashoon elley, liorish prowallyn, liorish cowraghyn, as mirrilyn, as liorish caggey, as lesh laue niartal, as lesh roih sheeynt magh, as lesh atchimyn mooarey, cordail rish ooilley ny ren y Chiarn nyn Yee er nyn son ayns Egypt, kiongoyrt rish nyn sooillyn?

Ashlish 16:5

As cheayll mee ainle ny hushtaghyn gra, T’ou uss cairagh, O Hiarn, ta, as va, as vees, er-yn-oyr dy vel oo myr shoh er vriwnys: