Psalmyn 65:2 - Yn Vible Casherick 1775 1819

² Uss ta clashtyn y phadjer: hood’s nee dy chooilley eill cheet.

Lioar ny Psalmyn 1765 (Pointed)

² Uss ta clashtyn y phadjer: hoods nee dy-chooilley eill cheet.

Psalmyn 65:2 ပူးပေါင်းရင်းမြစ်များ

1 Reeaghyn 18:29

As haink eh gy-kione lurg y vun-laa, dy jagh ad er myr ayns aght phadeyrys, derrey traa chebbal yn oural-fastyr: agh cha row edyr coraa, ny fer erbee dy ansoor, ny fer erbee dy choyrt geill daue.

1 Reeaghyn 18:37

Clasht rhym, O Hiarn, as cur dou clashtyn, dy vod fys ’ve ec y pobble shoh dy nee uss yn Chiarn Jee, as dy vel uss er hyndaa nyn greeaghyn mygeayrt reesht.

2 Recortyssyn 33:13

As ghow eh padjer huggey, as hooar eh e aghin, as deaisht eh rish e accan, as hug eh lesh eh reesht gys Jerusalem gys e reeriaght hene. Eisht hoig Manasseh dy nee’n Chiarn va yn Jee.

Psalmyn 102:17

Tra t’eh dy hyndaa eh-hene gys padjer ny boghtyn treigit: as nagh vel eh soiaghey beg jeh nyn aghin.

Psalmyn 116:14

Cur-my-ner, O Hiarn, kys dy vel mish dty harvaant: ta mish dty harvaant, as mac dt’inney-veyl; t’ou er vrishey my chianglaghyn veih-my-cheilley.

Psalmyn 22:27

Nee ooilley ardjyn y thallooin cooinaghtyn orroo hene, as bee ad er nyn jyndaa gys y Chiarn: as ver ooilley kynneeyn ny ashoonyn ooashley kiongoyrt rish.

Psalmyn 66:13

Cheb-yms dhyt ourallyn-losht roauyrey, marish oural-millish reaghyn: cheb-ym dew as goair.

Psalmyn 66:4

O tar-jee ayns shoh, as cur-jee tastey da obbraghyn Yee: cre cha yindyssagh as t’eh ayns e yannoo gys cloan gheiney!

Psalmyn 86:9

Hig ooilley ny ashoonyn t’ou er yannoo, as ver ad ooashley dhyt’s, O Hiarn: as nee ad dt’Ennym y ghloyraghey.

Isaiah 49:6

As dooyrt eh, S’aashagh te dhyt dy ve my harvaant, dy hroggal seose sheelogheyn Yacob, as dy hyndaa reesht cloan sauchey Israel; ver-yms oo myrgeddin dy ve son soilshey da ny ashoonyn, dy vod oo ve my haualtys gys ny ardjyn sodjey magh jeh’n theihll.

Isaiah 65:24

As hig eh gy-kione, roish my jean adsyn geamagh, dy jean-yms freggyrt; as choud as t’ad foast loayrt, neem’s clashtyn.

Isaiah 66:23

As hig eh gy-kione, veih un eayst-noa gys eayst-noa elley, as veih doonaght dy doonaght, dy jig dy chooilley eill dy choyrt ooashley kiongoyrt rhym, ta’n Chiarn dy ghra.

Nahum 2:1

Ta eshyn ta bwoalley gys peeshyn er n’irree seose kiongoyrt rish dty eddin: freill yn chastal, cum arrey er y raad, kiartee dty veeghyn, niartee dty phooar lesh slane troshid.

Noo Ean 12:32

As my veem’s er my hroggal seose jeh’n thalloo, tayrn-ym dy chooilley ghooinney hym.

Jannoo 10:31

As dooyrt eh, Cornelius, ta dty phadjer er ny chlashtyn, as dty yeirk freilt ayns cooinaghtyn fenish Jee.

Ashlish 11:15

As heid y chiaghtoo ainle, as va coraaghyn mooarey ayns niau, gra, Ta reeriaghtyn y theihll er jeet dy ve reeriaghtyn nyn Jiarn, as y Creest echey, as nee eh reill son dy bragh as dy bragh.