Psalmyn 64:5 - Yn Vible Casherick 1775 1819

⁵ T’ad jannoo ad-hene daaney ayns olkys: as cur nyn goyrle dy cheilley, kys oddys ad ribbaghyn y hoiaghey; as gra, nagh vaik dooinney erbee ad.

Lioar ny Psalmyn 1765 (Pointed)

⁵ T’ad jannoo ad hene daaney ayns olkys: as cur nyn goyrle dy-cheïley, kys oddys ad ribbaghyn y hoiaghey; as gra, nagh vaik dooinney erbee ad.

Psalmyn 64:5 ပူးပေါင်းရင်းမြစ်များ

Genesis 20:13

As haink eh gy-kione, tra hug Jee mee magh dy hroailt veih thie my ayrey, dy dooyrt mee r’ee, Shoh dty chenjallys nee oo y hoilshaghey dooys; Raad erbee dy jem mayd, abbyr my-mychione, She my vraar eh.

Lioar Yob 22:13

As t’ou uss gra, Cre’n fys t’ec Jee? vod eshyn briwnys trooid y vodjal dorraghey?

Psalmyn 10:11

T’eh tuittym sheese, as croymmey eh hene: dy vod sheshaght ny boghtyn tuittym ayns laueyn e leeideilee.

Psalmyn 124:7

Ta’n cooney ainyn shassoo ayns Ennym y Chiarn: ta er chroo niau as thalloo.

Psalmyn 140:5

Ta ny mooaralee er hoiaghey ribbey er my hon, as er skeayley magh lieen dy lhean lesh coyrdyn: dy jarroo t’ad er hoiaghey trappyn ayns my raad.

Psalmyn 59:7

Cur-my-ner, t’ad loayrt lesh nyn meeal, as ta cliwenyn ayns nyn meillyn: son quoi ta clashtyn?

Psalmyn 94:7

As foast t’ad gra, Cha n’aggle dooin, cha jean y Chiarn fakin: chamoo ver Jee Yacob geill da.

Exodus 15:9

Dooyrt y noid, Hem er nyn eiyrt’s, berr-ym orroo, rheynn-ym y spooilley: bee cooilleeney m’aigney aym orroo; my chliwe nee’m y hayrn, nee my laue ad y stroie.

Isaiah 41:6

Ren dagh fer jeu cooney lesh e naboo, as dooyrt dy chooilley ghooinney rish e vraar, Gow cree.

Ezekiel 8:12

Eisht dooyrt eh rhym, Vac y dooinney, vel oo er vakin shen ny ta shanstyr thie Israel dy yannoo ’sy dorraghys, dagh dooinney ayns shamyryn nyn yallooyn hene? son t’ad gra, Cha vel y Chiarn fakin shin, ta’n Chiarn er hreigeil y cheer.

Earrooyn 22:6

Tar nish, ta mee guee ort, er-y-fa shen, cur dty vollaght er y pobble shoh er my hon; son t’ad ro niartal dou; foddee dy voym y varriaght orroo, dy vod shin ad y woalley, as ad y chlo ass y cheer: son er-lhiam dy vel eshyn bannit t’ou uss dy vannaghey, as dy bee eshyn mollaghtagh, t’ou uss coyrt dty vollaght er.

Noo Mian 23:15

Smerg diu scrudeyryn as Phariseeyn, chrauee-oalsey; son ta shiu goll mygeayrt keayn as thalloo, dy hayrn agh un yoarree gys y chredjue eu hene, as tra t’eh er jyndaa hiu, ta shiu dy yannoo eh ny lhiannoo dy niurin ghaa wheesh smessey na shiu hene.

Ashlish 11:10

As bee cummaltee yn thallooin boggyssagh harrystoo, as bee ad gennal, as ver ad giootyn da ’cheilley; er-yn-oyr dy ren y daa phadeyr shoh adsyn y heaghney va baghey er y thalloo.

Briwnyn 20:22

As ren cloan Israel ad-hene y niartaghey, as hayrn ad seose yn cheshaght oc ayns order-caggee, ’sy ghrunt cheddin v’ad er y laa roïe.