Psalmyn 64:4 - Yn Vible Casherick 1775 1819

⁴ Dy vod ad dy follit lhiggey ersyn ta firrinagh: t’ad dy woalley eh doaltattym, as cha vel aggle orroo.

Lioar ny Psalmyn 1765 (Pointed)

⁴ Dy vod ad dy-follit lhiggey ersyn ta firrinagh: t’ad dy woalley eh doaltattym, as cha vel aggle orroo.

Psalmyn 64:4 ပူးပေါင်းရင်းမြစ်များ

2 Samuel 15:14

As dooyrt David rish ooilley e harvaantyn va mârish ec Jerusalem, Irree-jee, as lhig dooin cosney ersooyl; er-nonney cha jean mayd scapail veih Absalom: lhig dooin siyr ’yannoo dy gholl roïn, er-aggle dy jig eh orrin doaltattym, as cragh y choyrt orrin, as dy bwoaill eh yn ard-valley lesh foyr y chliwe.

Nehemiah 4:11

As dooyrt nyn noidyn, Cha bee fys oc, chamoo nee ad fakin derrey hig mayd ’sy vean oc, as stroie ad, as cur nyn obbyr naardey.

Psalmyn 11:2

Son cur-my-ner, ta ny mee-chrauee lhoobey nyn mhow, as jannoo aarloo nyn sideyn ayns y whiver: dy vod ad lhiggey gyn-yss orroosyn ta ynrick ayns cree.

Psalmyn 55:19

She eshyn ta er livrey m’annym ayns shee, veih’n chaggey va m’oï: son va ymmodee mârym.

Psalmyn 55:22

Va goan e veeal ny s’buiggey na eeym, as caggey ayns e chree: va e ghoan ny shliawney na ooil, as foast t’ad cliwenyn hene.

Psalmyn 57:5

As ta mee my lhie dy jarroo mastey cloan gheiney, ta soit er aile: nyn veeacklyn t’ad shleiyghyn as sideyn, as nyn jengey ny chliwe gyere.

Psalmyn 64:7

Agh nee Jee lhiggey doaltattym orroo lesh side: dy bee ad dy leah lhottit.

Habakkuk 3:14

Ren oo lesh dty lorg-reill brishey trooid king e valjyn: haink ad magh myr geay-chassee dy my skeayley: va’n boggey ocsyn dy stroie ny boghtyn dy follit.

Noo Ean 19:6

Shen-y-fa tra honnick ny ard-saggyrtyn as ny fir-oik eh, deïe ad, gra, Jean y chrossey eh, jean y chrossey eh. Dooyrt Pilate roo, Gow-jee shiuish eh, as jean-jee eh y chrossey: son cha vel mish er gheddyn foill erbee ayn.

1 Samuel 18:11

As hilg Saul y shleiy; son dooyrt eh, bwoaill-ym David lesh eer gys y voalley. As chossyn David ass e hilley daa cheayrt.

1 Samuel 19:10

As hir Saul dy woalley David eer gys y voalley lesh y shleiy; agh lheim eh dy lhiattee veih feanish Saul, as woaill eh yn shleiy stiagh ’sy voalley: as chossyn David ersooyl, as haue eh eh-hene yn oie shen.