Psalmyn 62:3 - Yn Vible Casherick 1775 1819

³ Caïd smooinys shiu er olk noi dy chooilley ghooinney: hed shiu er stroie ooilley yn sorch eu; dy jarroo, myr voalley ta aarloo dy huittym vees shiu, as myr cleiy brisht.

Lioar ny Psalmyn 1765 (Pointed)

³ Caid smooinys shiu er olk noi dy-chooilley ghooinney: hed shiu er stroie ooilley yn sorch eu; dy-jarroo, myr voall ta aarloo dy huittym vees shiu, as myr cleiy brisht.

Psalmyn 62:3 ပူးပေါင်းရင်းမြစ်များ

Psalmyn 125:1

Bee adsyn ta coyrt nyn dreishteil ayns y Chiarn, dy jarroo myr cronk Sion: nagh vod v’er ny scughey, agh ta shassoo shickyr er son dy bragh.

Psalmyn 140:2

Ta smooinaghtyn er olk ayns nyn greeaghyn: as dy kinjagh greesaghey seose anvea.

Psalmyn 16:8

Ver-yms booise da’n Chiarn son raaue y choyrt dou: ta my veeghyn neesht dy my choyrlaghey er imbagh ny hoie.

Psalmyn 18:3

Haink angaishyn y vaaish mygeayrt-y-moom: as ren ny thooillaghyn dy vee-chraueeaght m’y agglaghey.

Psalmyn 21:11

Son chiare ad olkys dt’oï: as ghow ad ayns laue lheid y saase as nagh jarg ad y chooilleeney.

Psalmyn 38:12

Adsyn neesht va shleeuit er my vioys, ren ribbaghyn y hoiaghey er my hon: as ren adsyn va shirrey dy yannoo aggair dou, taggloo jeh olkys, as smooinaghtyn er molteyraght fey-ny-laa.

Psalmyn 4:2

O shiuish vec gheiney, caïd nee shiu goltooan my ooashley: as goaill lheid y taitnys ayns coyrleyn fardalagh as geiyrt da breagyn?

Psalmyn 82:2

Caïd ver shiu briwnys aggairagh: as soiaghey jeh persoonyn ny mee-chrauee?

Exodus 10:3

As haink Moses as Aaron stiagh fenish Pharaoh, as dooyrt ad rish, Myr shoh ta’n Chiarn, Jee ny Hebrewnee gra, Caïd nee oo gobbal d’injillaghey oo hene kiongoyrt rhym? lhig y raad da my phobble, dy vod ad mish y hirveish.

Exodus 16:28

As dooyrt y Chiarn rish Moses, Caïd obbys shiu biallys da my haraghyn, as my leighyn?

Raaghyn Creeney 1:22

Caïd, shiuish vee-hushtee ver shiu rish mee-hushtey? as craidoilee goaill taitnys ayns nyn graid, as ny ommydanyn cur feoh da tushtey?

Raaghyn Creeney 6:9

Caïd nee oo cadley, O chadleyder, cuin irrys oo ass dty chadley?

Jeremiah 4:14

O Yerusalem, jean dty chree y niee veih mee-chraueeaght, dy vod oo ve sauchey: caïd nee dty smooinaghtyn fardalagh cummal cheu-sthie jeed?

Hosea 7:15

Ga dy vel mee er smaghtaghey ad, ta mee er niartaghey ny roihaghyn oc, ny-yeih, t’ad smooinaghtyn er olk m’oï.

Noo Mian 17:17

Dansoor Yeesey as dooyrt eh, O heeloghe vee-chredjuagh as roonagh, caïd ta mish dy ve mêriu? caïd ta mee dy hurranse diu? cur lhiat eh hym’s ayns shoh.

Jannoo 24:9

As va ny Hewnyn er yn un ghlare rish, gra, dy nee shen myr va’n chooish.

1 Samuel 26:10

Dooyrt David ny-sodjey, Myr ta’n Chiarn bio, nee’n Chiarn eh y woalley; ny hig laa e vaaish er; er-nonney hed eh sheese gys caggey, as cherraghtyn ayns shen.