Psalmyn 60:8 - Yn Vible Casherick 1775 1819

⁸ Moab my haagh-nieeaghyn, shooill-ym harrish Edom: Philistia, gow uss boggey jee’m.

Lioar ny Psalmyn 1765 (Pointed)

⁸ Moab my haagh-nieeaghyn, harrish Edom ceau-ym magh my vraag: Philistia, gow uss boggey jee’m.

Psalmyn 60:8 ပူးပေါင်းရင်းမြစ်များ

Genesis 25:23

As dreggyr y Chiarn ee, Ta daa ashoon ayns dty vreïn, as bee daa horch dy leih er nyn scarrey veih dty veeghyn: as bee yn derrey phobble ny s’troshey na yn pobble elley: as nee yn fer shinney shirveish yn fer saa.

Genesis 27:40

As liorish dty chliwe nee oo beaghey, as nee oo shirveish dty vraar: as hig eh gy-kione, tra vees oo er chosney’n varriaght, dy jean oo yn whing echeysyn y vrishey voish dty wannal.

2 Samuel 8:14

As hug eh garrisonyn ayns Edom; trooid magh ooilley Edom hoie eh ad: as haink ooilley cummaltee Edom dy ve fo keesh da David. As ren y Chiarn David y choadey raad erbee dy jagh eh.

1 Recortyssyn 18:13

As hug eh garrisonyn ayns Edom; as haink ooilley ny Edomiteyn dy ve fo reill Ghavid. Myr shoh ren y Chiarn David y choadey raad erbee dy jagh eh.

Earrooyn 24:18

As bee Edom son eiraght, bee Seir myrgeddin son cummal da e noidyn, as nee Israel gymmyrkey eh hene dy dunnal.