Psalmyn 60:6 - Yn Vible Casherick 1775 1819

⁶ Ta Jee er loayrt ayns e chasherickys, Nee’m boggey ’ghoaill as rheynn-ym Sichem: as towse-ym magh coan Succoth.

Lioar ny Psalmyn 1765 (Pointed)

⁶ Ta Jee er loayrt ayns e chasherickys, Nee’m boggey ’ghoaill as rheynn-ym Sichem: as towse-ym magh coan Succoth.

Psalmyn 60:6 ပူးပေါင်းရင်းမြစ်များ

Genesis 12:6

As ren Abram troailt trooid y cheer gys Sichem, gys cheer rea Moreh. As va’n Canaanite ec y traa shen ayns y cheer.

2 Samuel 3:18

Nish jean-jee eh: son ta’n Chiarn er loayrt mychione David, gra, Liorish laue my harvaant David neem’s my phobble Israel y hauail veih pooar ny Philistinee, as veih laue ooilley nyn noidyn.

Psalmyn 119:162

Ta wheesh dy voggey aym jeh dty ghoo: as t’ec fer ta cosney mooarane spooilley.

Psalmyn 132:11

Ta’n Chiarn er n’yannoo breearrey firrinagh da David: as cha jed eh n’oï;

Psalmyn 56:4

Ver-yms moylley da Jee son e ghoo: ta mee er choyrt my hreishteil ayns Jee, as cha goym aggle cre oddys dooinney y yannoo rhym.

Psalmyn 89:19

Son ta’n Chiarn nyn vendeilagh: ta’n Er Casherick dy Israel nyn Ree.

Psalmyn 89:35

Nee yn sluight echey tannaghtyn son dy bragh: as ta’n stoyl echey goll-rish y ghrian kiongoyrt rhym.

Jeremiah 23:9

Ta my chree brisht cheu-sthie jee’m kyndagh rish ny phadeyryn foalsey; ta ooilley my chraueyn er-creau: ta mee myr dooinney er-meshtey, as myr dooinney ta feeyn er ghoaill niart er, ayns my ghraih jeean gys y Chiarn, as gys goan e chasherickys.

Amos 4:2

Ta’n Chiarn Jee er vreearrey liorish e chasherickys, Cur-my-ner, hig ny laghyn erriu, dy jean eh goaill shiu ersooyl lesh dooanyn, as yn sluight eu lesh croaganeyn-eeastee.

Joshua 1:6

Bee dunnal as jeh cree mie; son da’n pobble shoh nee oo rheynn son eiraght yn cheer, loo mee da nyn ayraghyn dy choyrt daue.

Joshua 13:27

As ayns y choan, Beth-aram, as Beth-nimrah, as Succoth, as Zaphon, yn chooid elley jeh reeriaght Sihon ree Heshbon, Jordan as y slyst shen, gys oirr sodjey magh faarkey Chinnereth, cheu-har dy Yordan.

Joshua 17:7

As va cagliagh Vanasseh veih Asher gys Michmethah, jeeragh er Shechem; as ren yn oirr echey sheeyney er y laue yesh gys cummaltee En-tappuah.

Joshua 20:7

As hoie ad er-lheh Kedesh dy Ghalilee ayns cronk Naphtali, as Shechem ayns cronk Ephraim, as Kirjath-arba (ta shen Hebron,) ayns slieau Yudah.

Joshua 24:1

As haggil Joshua ooilley tribeyn Israel gys Shiloh, as deïe eh er shanstyr Israel, as er ny ard-gheiney, as er ny briwnyn, as er ny fir-oik; as haink ad fenish Yee.

Joshua 24:32

As craueyn Yoseph, hug cloan Israel lhieu seose ass Egypt, ren ad y oanluckey ayns Shechem, ayns y pheesh dy ghrunt chionnee Jacob veih mec Hamor, ayr Shechem, son keead peesh dy argid: as haink eh dy ve eiraght cloan Yoseph.